[✗ ┋ وَړْﮃَةُ آلـﭴَزآئـړْ ┋ ✗]

التوقع كاين صح لكن ما ناخذوش بيه نركزو صح على الحوايج اللي يتوقعوهم لكن نقراو ثاني الحوايج الأخرى باش ما يخاطروش

شريعة مثلا راهم يقولو راح يجي الحديث الرابع لأنو في الثلاث سنوات الماضية جاو 3 أحاديث وبقي واحد راح يجي هاذ العام لكن ما نستبعدوش يعاود واحد من الأحاديث السابقة

فلسفة راهم يقولو المنطق الصوري لأنو في 2009 كان تحليل نص على المنهج التجريبي وفي 2010 المقالة كانت على المنهج التجريبي وفي النص كان على المنطق الصوري راهو يقولو هاذ العام راح يكون المنطق الصوري في مقالة لكن ما نستبعدوش فلسفة العلوم خلاص لأنو هاذي هي اللي تهمنا كعلميين وهذا هو الموضوع اللي يجي بزاف في الباك

علوم إذا دخلت الجيوجيا فبها ونعم كنت نكرهها لكن الأستاذة قالتلنا باللي الجيولوجيا حفاظة يعني تجاوب الأسئلة كيما حفظت تضمن علامة كاملة في التمرين خير من تمرين في المناعة حلل وفسر واستنتج وتخدم تخدم ومبعد ما تجيبش مليح

الرياضيات إذا وصلنا للاحتمالات راهم يقولو راح تدخل بنسبة 70 بالمئة على الأقل في موضوع واحد من الموضوعين وحاجة باينة راهي تجي الدالة الأسية واللوغارتيم والهندسة في الفضاء يعني رياضيات ما تتوقع ماوالو برك راهم يقولو بالاك هاذ العام تكون الدالة القيمة المطلقة راهم يركزو عليها بزاف

الففيزياء اقرا جميع الوحدات لأنو راح يوزعوها على الموضوعين الوحدة الثامنة في الشك لكن الوحدة السابعة راح تدخل لأنو جامي دخلت

فرنسية وانجليزية ما عندك ما تتوقع فيهم

واجتماعيات الله أعلم