نحتاجو 4بيضات و120غرام سكر 120غرام فرينة و1ساشي نتاع فاني وساشي نتاع خميرة
انا درت زوج واحد بيضا ووحاد درت فيها ككاو نفس المقادير لونيها برك بشكولا
نزيدو الفرينة و الخميرة ونضيفو شويا بشويا و نحركو بملعقة
نديرها فمول مدهونة بالزبدة و مرشوشة بلفرينة
و نداخلوها الفران طيب ملييييييح باش ماتبقاش خضرا من الداخل حاجا باينة
هنا ملي طابت...و حتى تبرد عاد نقسموها
ودركا لكرام
250gr سكر
250 gr زبدة
500 سل حليب
كاس زيت
نخلط زبدة و سكر بمدة و نبقى نخلط بخلاط و نزيد مرة زيت مرة حليب حتى نسالي لكمية لي عندي
و ها لكريمة وجدت و ندخلها تلاجة تبرد
و نسقيو طرطات نتاعنا بفانتا وندير فوق الطيقة كريم وفالاخير نغطيو كولشي يكريم و نزوقوها باش حبينا
وصحيتن على قلبكم