[أحمد الجمل]

المشاركة الأصلية كتبت بواسطة مصريه جدا

تفرح ليه يااحمد انها وثقت فيه وانها صدقته
ولاتفرح انها اكتشفت انها كانت مجرد لعبه فى ايد انسان

الفرح الوحيد انها اكتشفته
شكرا يااحمد على المرور

خلينى أكلمك ببساطة جدا
هتكلم كانى بتكلم عن نفسىى انا وحصل لى نفس الموقف ده
فى علاقاتى الإنسانية عموما , لا أخسر أبدا
ولا أحزن أبدا إلا على شخص يستحق جدا , وأنا فرطت فيه بسهوله
لا أخسر أبدا ليه ؟
لأنى بتعامل مع كل الناس بقلب مفتوح جدا
بنية صافية جدا
بتعامل مع الناس بدون كذب
بدون تجمل أو تكلف
بدون لؤم أو خسة
بدى كل ثقتى للشخص اللى قدامى
وبفترض فيه حسن النية للنهاية
بخلص بدون حدود
بوفى بدون حدود

بالله عليكى يبقى لما أى حد انا بتعامل معاه بالشكل ده ويخسر كل ده فى لحظة
يبقى أحس للحظة إن أنا خسرت أى حاجة ؟

لالالالالالالالالالالالالا طبعا
أنا مرضاش بأقل من الصفات دى انا كمان فى الشخص اللى انا بتعامل معاه
انه يكون قلبه صافى , وأمين ومخلص جدا ووفى
ومعندوش لؤم ولا خسة ولا ندالة

وإلا يبقى انا بهين نفسى لما ارضى باقل من كده لنفسى

طيب شخص فقد ثقتى كلها , ومع العلم إنى مش بفقد الثقة فى الشخص من مرة واحدة
لا بديله فرصة مرة واتنين وتلاته
الرابعة يبقى مع السلامة وانا راضى تماما ومحزنش عليه لحظة واحدة ولا ابكى عليه لحظة واحدة ولا ممكن حد فى العالم كله يخلينى بعد كده اغير رأيى فيه تانى أو اغير قرارى فيه تانى

لأنى ببساطة جدا بعتبره هو اللى خسرنى مش انا اللى خسرته

أحس ازاى أنى خسرت واحد ندل ؟
ده ندل وخسيس
أحس ازاى انى خسرت واحد كذاب ؟
ده كذاااااااااااااااااااب , أثق فيه ازاى
أحس ازاى انى خسرت واحد لئيم ؟
ده معندوش أصل بدليل انه لئيم الطباع

لو حسيت بالخسارة لحظة واحدة يبقى انا كنت بحب وصعبان عليا اوى الخسة والندالة والكذب والخيانة والوضاعة

انخدعت فيه ؟
هههههههههههه
لا فى الحقيقة انا منخدعتش فيه بدليل انه انكشف قدامى
حتى لو هو اللى كشف نفسه , مش مهم مين اللى كشفه المهم انى عرفته على حقيقته ودى نعمة تستحق الشكر

حبيته ؟ طب وايه المشكلة
طالما بنحب , يبقى نقدر نكره
والحب احنا اللى بنعظمه اوى فى قلوبنا واحنا اللى ممكن نقتله
عايزة تقتلى الحب ده فى قلبك ؟
سهل اوى
افتكرى فى كل لحظة انه انسان ندل وخسيس وافتكريله بس صفة سيئة فيه وعظميها فى قلبك
ولو عايزة تفضلى تحبيه على طول افتكريله حسنة وبرده عظميها فى قلبك
بايدك تفضلى متعلقة بيه
وبايدك تحطى قلبك تحت سورى جذمتك وهو فيه وتقفى عليه وترفعى راسك

لالالالالالالالا احزن الا على من يستحق فقط
ولالالالالالالالالالالالالالا اخسر ابدا

اللى بيفارقنى هو اللى بيخسرنى مش انا اللى بخسره
لأن من صنفه هو مليون وببلاش
ومنى انا واحد بس