آه يا بني عميس مڤواني كي نديس نخلصهم في السيس يخلاصوا في الديس
نهار زاهي و عشرة تعيس كل شئ غالــــــــــــــــــي قول لي يا صاحبي واش في هذا البلاد رخيس
ما عندي سيارة كي الناس مرة في طاكسى مرة في bus
نهار لُخلاص نتوجدوا للدحيس واحد طايح ولآخر غاويه ابليس
والمعلم مسكين يتصرف بالتكييس يحشم من ظلوا من وضعو الرخيس
شهرية المناحيس يسمعو باها حتى الخنافيس
منين تتحرك التجار فيك تقيس وينك يا بن فليس
ترفع علينا الغمة و توسويس قبل ما نرجعوها تبزنيس
في البوستا نتداوسو كالعتاريس شكون لأول يدي الفلاليس
كثر الدحيس ماتت الأحاسيس كي تخلص الكريدي يوجعوك لولاسيس
ياراجل انعل بليس وروح ادوش نهار لخميس
باه الوكسه والتخنفيس يروحوا مع التوسويس.
يم الخلصة هذا رافد فيلي لاخر هاز في يده كيس
واحد شاري لحم الخروف لاخر جناح نتاع دجاج معاهcuisse
واحد عندو الديفيس و لوخر يخدم في التبزنيس
و المعلم عندوا ذراري يصيحو كالعتاريس
لاتحرمون من هذه النكت التي تروح عن النفس
ليس كل شي جد يوم فطور بزيت الزيتون والعسل
وأخر بالخيز اليابس والبصل
المعلم مسكين لا دار ولادينار شبهوه بالبخيل وهو مالو مثيل
كالجندي الصنديد ليس له فريد
سمعت بالفيرمو اليوم رحت نجري للبريد
و نهار الخلصة و الله غير عندي عيد
بسم لله بديت قلت نشوف شحال عندي في الرصيد
بالاك معها رابيل راه تفكرنا بيه بن بوزيد
ومبكر على الصباح يا خاوتي و نهار نتاع جليد
اليوم نفرح الذراري ونشري للمرة خمار و سباط جديد
و لقيت الاسرة هذا لاصق في هذا وما تسمع غير زيد تقدم زيد
واحد باغي يروح لبوحنيفية يكمد لعظام لاخر خاصه شكاير سيمة و قناطر حديد
شحال قالوا علينا من نكت وبلسناتهم مرمدونا تمرميد
هاااايلة هاااايلة هاااايلة بارك الله فيكم