أحنا دايما هكذا نحوسوا غير فالحجة
غير تخلاص كاش مسابقة نبداو فالتعليقات التي لاتسمن و لا تغني من جوع.
أحنا رانا في الجزائر يعني تقدر تقول : كل شيئ ممكن....
المنطق و كلمة نورمالمو ليس محلها هنا، لذا خلونا مالهدرا الفارغا يرحم والديكوم.
في بودواو المرة اللي فاتت مدّونا على الطلاق، أكيد منيش مريفيزيه بصح مراحش نفرط فالمسابقة نتاعي و نرجع الورقة فارغة بالعكس يجب جمع كل المعلومات السابقة التي مرت علينا و سردها على ورقة الإجابة و الباقي على ربّي هو الرزاق.
أما هديك الحجج و نقد المسؤولين و الكرام الفارغ، معندوا حتى فايدة، أحنا جيل المستقبل و أحنا اللي نغيروا الصورة نتاع الجزائر مش قاعدين نهدروا برك فكل واحد يبدا بروحو حتا تعم على الجميع.
من خلال إطلاعي على بعض الردود في أحد المواضيع قريت واحد الرد نتاع عضو ربي يهديه و يهدينا إن شاء الله، قالك لوكان تصحلي كاش معريفة نستغلها و ندي الكونكور راهو يشوف فيها قفازا، و واحد آخر قالك لوكان تصحلي نكوبيي نديرها، أمبعد نفس الأعضاء قريت الردود نتاعهوم يقولوا نرومالمو و لوكان و يقطعوا فالبلاد و فالمسؤولين و يهدروا على السلبيات و على قائمة الناجحين اللي وجدوها قبل المسابقة.
سامحوني خاوتي بصح إدا كنا أحنا مش صافيين مع ربي كيفاش حبيتوا ربي يشوف فينا؟
قبل ما تبدا المسابقة نتاع بن عكنون قريت رد نتاع واحد الأخت تقول فيه لإخوانها الأعضاء أنه في السنة الماضية طرحوا عليهوم أسئلة تميل للجانب القانوني، فما كان الرد؟
كل واحد واش قاللها، من مختلف أنواع الكلمات الجارحة و القاسية
و الآن بعدما جوزوا هدوك الأعضاء تلك المسابقة، واش ولاو يقولوا؟
كل واحد يعرف روحوا....
سمعت كلش بصح كلمة إسمحيلي يا أختي كنت غالط في حقك مسمعتهاش.
منقدرش نشارك في نقاشات كيما هادي أسمحولي خاوتي، كاش مساعدة أو ما شابه راني فالخدمة
هاد المنتدى فادني بزاف كيما أنا منبخلش على خاوتي.
بصح خلونا نهدروا فالمفيد شويا ماشي خير؟
كنت نتمنى نتناقشوا على أجوبة تلك المسابقات، كل واحد واش دار، الحلول الممكنة، ناقشو موضوع الفرنسية و نحلوه جماعيا.....
كيما لاحظتوا فموضوع الفرنسية تكرر مرتين فمن الممكن أنو كاش موضوع يتعاود.
هدا واش حبيت نقول.
تحيــــــــــــــــاتي،ســـــــــــــــلام.