اليوم دارو اضراب في الاقامة الجامعية تاعنا واحد الاضراب واش نقولكم تاع الابتدائية ينظمو خير منو الصباح الغاشي يدخل للاقامة وبعد 8 غلقو الباب وماخلاوناش نخرجو باه مانقرو يعني شاركي في الاضراب حابة ولاماكي حابة؟ انا وحدة طلعت من الحيط باه نخرج بعد ما خصمتهم بيسك نقرا كون تشوفو الغاي كي حابسينو قول الزايلة جامعينها كيما يحبو نقولكم المطالب باه تضحكو شوي:يعطونا فورماج "طارطينو" قالو حابين "لافاجكيري"؟ البيض التابخ حابينو كل يوم ؟وانا جامي كلتو........ البنان ماهمش حابينو بيسك يعطوه لينا كل يوم والمزيد المزيد من التفاهات واش هاد الطلبات يرحم والديكم ؟ وزادو شلو لينا حركة النقل والمطعم تاني انا قلت لهم كان يضربو على الشيوخة ناقصين ولا يبيسوا في خدمتهم ممكن او يضربو باه يحلو ليصال اللي كملت خدمتهم بصح ما بنتروهمش ممكن نقولو ونساندوهم لكن لمجرد التفاهة والفاهة نخلي قرايتي ؟؟؟؟؟ماكاش منها