[ٵڶقًـ۾ًـږღٵڶڝۼےـړ]

المشاركة الأصلية كتبت بواسطة خولة94

السلام عليكم

و عليكم السلام
أتمنى أن تكونو في أحسن الاحوال يا أعضاء أحلى منتدى

الله يحليك ،، تمام الحمد لله
أرى أنكم غير راضين عن نتائج هذا الفصل ... لذلك أرجو أن تنسوه

الحمد لله لحد الآن ،،
وتحضرو معي للفصول القادمة باذن الله

إن شاء الله
أريد أن أعرف منك ياطالب السنة الثانية ثانوي :

كيف تتقن اللغتين الانجليزية والفرنسية ؟

la base ،، لي عندو قاعدة تعاونو بزاف ،، لأنو اللغات

مواد معرفية + متسلسلة // لازم تعرف أكبر قدر ممكن من الكلمات و معانيها

بور موا لي فيلم المترجمة تعاوني بزاف فالنطق و الفهم و كل مرة نحكم كلمات

معناهم و كيفاه ننتقهم ،، يعاونو

نقرا دي تاكست ،، سورتو اون فرونسي و نعاود تاكست شحال من مرة

باش نحكم لاميتود تاع التعبير ،، يفيدو فالفقرات

مينداك نصادف كلمات ،، منعرفهمش ،، كي نترجمهم جامي ننساهم

كيف تتمكن من دروس الرياضيات والفيزياء ؟

الانتباه ثم الانتباه ،، لازم ما تغيبلي حتى كلمة يقولها بروف


حتى و راه يعاود الف مرة ،، و نسيي نفهم كلمة بكلمة

نحل بزااااااااف تمارين لازم يكون عندهم الحل

باش نقيم روحي ،، و نعرف حلول تاع وضعيات جدد


كي منفهمش نسقسي فهاديك الدقيقة ،، مش حتى يجوز عليها بروف

أنصح بكتاب الهباج في الرياضيات و الهباج في الفيزياء

كيف تفهم دروس الادب العربي .... والعلوم الشرعية

الأدب رجع ثقافة عامة مؤخرا ،، بالاضافة إلى دروس القواعد

كلش مكتسبات قبلية + الانتباه إلى ما يذكره الاستاذ من معلومات

معلومة بعد أخرى ،، لأنها غالبا ما ترد في الفروض و الاختبارات

العلوم الشرعية ،، نحبها من بكري ،، و عندنا بروف قراني عامين

و يزيد يقريني ان شاء الله فالباك ،، ما شاء الله

وحدك تلقاي روحك تبعي فيه بدون ما تحسي ،، و تتفاعلي معاه لا إراديا

و انا شخصيا نتمنى تدوم ساعة العلوم الشرعية ساعاااات بلاما تخلاص ههه

فيما يخص الآيات و الأحاديث ،، تحضيرا للفروض و الاختبارات نقرا تفسيرها العام

و على شرح الكلمات كلمة كلمة ،، و المواضيع التي لها علاقة بالآيات

ولا تجد أي مشكلة في دروس الاجتماعيات ؟

الاجتماعيات منتفاهموش بزاف ههه ،، منحبهاش من بكري

مي نسيي نقراها ،، قضية انتباه مولاتش حفاظة ،، وش يقول الاستاذ هو لي يجي فالفروض

و الاختبارات ،، نسيي نشرح كامل المصطلحات لي مش مفهومين فالكراس ،،

نقرا على كاش مواضيع عندها علاقة ،، إضافة إلى حفظ ما ورد في الكراس

و تعتمد كتر على التقافة العامة وكيف أنك تجد دروس العلوم سهلة .....؟؟

بور موا ،، مش ساهلة بزاف ،، تبان سهلة كي تقراي الاستنتاجات

الخلاصات و و مي فالتطبييق و خصوصا كي يتبدلو الوضعيات

تولي صعيبة ،، تعتمد على المكتسبات و الفهم الجيد لما يقوله الاستاد كلمة كلمة

و حل كم هااااائل من الوضعيات ،، نظرا لاختلافها من تمرين لآخر

و مختلفة عما يرد في الكراس ،، أنصح بكتاب الوافي في العلوم 2as
أرجو من كل عضو يجد نفسه ممتازا في أحد المواد
أن لا يبخل على زملائه ..ويساعدهم
وباذن الله انت و أنت ستتخلصون من جميع المشاكل
وتتقنون جميع المواد
( بالتوفيق )

ان شاء الله يفيد ما ذكرته الكثيرين


لأنه يفيدني انا شخصيا ،، مشكورة صاحبة الموضوع


على الفسحة التي وفرتها لنتبادل الآراء ،، لنفيد و نستفيد


موفقة ،، بالتوفيق للجميع