السلام عليكم
ما تخافش يا أخي بنات الحلال راهم بزاف
و مرات تكون قدام عينك و ما تنتبهلهاش
بما انك طلبت ردود و تفاعل انا راح نحكيلك على كيفاش انخطبو زوج خواتاتي
الأولى كانت تدرس
sage femme
كان عندها stage
في المستشفى و اللي خطبها كان مريض
دار عملية جراحية في القسم اللي كانت متربصة فيه
قعد يميز فيها و شافها كيفاش تعاملت معاه و تتعامل مع كامل المرضى و الزملاء المتواجدين في المستشفى
زاد تبعها و عسها من المستشفى للمعهد للدار الى ان تأكد من ممشاها و خطبها
اما اختي الثانية و اللي هي
اطار محاسب في احدى الشركات الوطنية
كان chef service تاعها يجي عنده صاحبه بزاف
مهندس كهرباء و قاله راني باغي نتزوج
chef تاع اختي هو اللي نعتها و قاله هاذ البنت متربية و عاقلة و ذات اخلاق و الحمد لله
صار يكثر زيارات لصاحبه بغرض انه يشوف ممشاها الى ان خطبها و تزوجت و الحمد لله
ما تتقلقش على الزواج يا أخي
و اللي كتبهالك ربي تلحقها
و وقت ما جا الخير ينفع
بنات الحلال راهم بزاف
شوف اللي تدخل في القلب من النظرة الاولى ثم ميزها وتبعها و شوف اخلاقها و تربيتها و اتكل على الله
ما كانش بنت ما تحبش تنستر
و لكن كاين سوء الاختيار و عدم الانسجام
الله يوفقك اخي