[البنشكاوي]

يا حنوني رانا كامل في ازمة وحدة ماشي معناها ماكاش بنت الحلال وشنو اختلط الحابل بالنابل....بنت الحلال كاينة في الحجابيست وفي السيفيليزي وفي الدار وفي الخدمة وفي الحشومية وفي اللي تهدر بزاف..ما عادش عندها زي معين ولا مشية معينه..ولا ولا .....والخداعه ثانيت هكداك ادات من الاولى زيها و مشيتها .....صاريلها كيما الارهاب كي جاونا في زي السلفية.......وهذا الشعور اللي راك اتحس بيه و نحس بيه تع عدم الثقة يجي اما من تجربة عشناها وخرجنا منها ضحايا....او من الواقع اللي رانا نشوفو فيه ....وكاين نوع تالت من البنات اللي نهملوه وهي البنت اللي تكون طيبة وحلالية...برك متأثرة بصحاباتها في لبستهم و حركاتهم .....لكن على شرفها تشعل النار....حتى حنا الذكور كي نشوفو واحد بوقوس الجال و السلسلة والطونوبيل و البورطابل ..حتى احنا نتاثروا......وفي الاخير الطيبون للطيبات و ...الطيبات للطيبين....والخبيثون للخبيتات و الخبيثات للخبيثين ...والحل الامثل انك تكون صالح وتدعي ربي يهبلك الزوجة الصالحة....اذا كنت طيب ..تكون هي طيبة ....وربي راه خالقكم لبعضكم بعض و كاتبكم لبعض ..منذ ملايين السنين ..رفعت القلام وجفت الصحف.......اقرأ بداية صورة النساء.....الانسان تحكموا غيرة على بلادو ويحبش يصرا فيها الفساد ...لكن مالازمش نجرموا بنات بلادنا كلهم ....لانو كاينة اللي راها اقرب لربي مني ومنك..ومن اتقى واحد تشوفو في طريقك....سلاااااااااااام