الشامية العفسة فيها هو التخلاط لازم تتخاط مليح حتى تعيا لا بات ومن بعد خلوها تريح ساعة أو أكتر والسر هنا كل ماتريح اكتر كل كا تخرج مليحة أنشاء الله ماتكون حتى الغدوة ماعليش...كدالك كي تريح عاودي خلطيها مليح مليح باش السكر مايبكاش غير التحت لأنه لو بقي التحت راح يديرلك كرامال كي تطيب في الفرن وتلصقلك.....
هاهي المقادير لكن بدو إتباع نصائحي السالفة ماتخرجلكش كليحة....
4كاس سميد تع شامية يجي غليض
2كاس سكر
1 يانيلا سكر
1كاس زبدة دائبة
وماء الزهر
......أما السيرو لازم يطيب كليح على النار باش السكر يدوب باش مايحمضش الشامية مالبعد
السيرو ديري 1لتر ماء+250 أو300غ سكر وطيبيه مليح وزيدي شوية قرفة وليمون معصر
التحضير
خاطي السميد+السكر مليح مليح+الفانيلا+الزبدة الدائبة شيأ فشيأ حتي يخلاص الكاس وماتزيديش من راسك الزبدة كاس بزاف في هده الكمية من السميد وخلطي مليييييييييييييييح حتي أنتي تعياي....ومن بعد زيدي الماء الزهر حوالي55%من القرعة الكبيرة معناها نصف +قد حفنة تع يد لكن زيدي الماء الزهر شيأ فشيأ مشي خطرة وحدة...وخليها تريح كيما قتلك....ساعة ولا اكتر ومن بعد عاودي خلطيها مليييييييييييييييح وديريها فالصينية مدورة أحسن وطيبيها فالفرن وماتخليهاش بالقية برا غير تديريها فالصسنية دخليها فالفرن....خليها طيب مليح تحتا في الفرن العادي تاع الخبز...من بعد كي طيب في الجوانب وتشوفبها كحالت مش حمارت لازم تكحال إدن نقصي الفرن تحتا وأشعلي النار الفوقانية وأحرصيها حتي تولي قهوية رايحة للسواد طفي النار وديري الشاربات مباشرة وشوفي إلى خاصها ولا لا وزيديها بشوية
وقوليلي كيفاش خرجت وكاتنساوش الشكر