[فيصل314]

اسمحولي ولكن الغاشي تاع وان ثو ثري فيفا لالجيري عمرو يلا يقدر يدير حل غدوا ولا مغد ايجي كاس افريقيا ولا كاس العالم وتشوف 35 مليون بونادم الاهتمام الوحيد التاعهم البالو يا عجبا حتى في المسجد والله في المسجد نسمع فيهم حليش يلعب ولا ما يلعبش بوقرة راه مبليسي بلحاج حاوزوه ...عنتر يحيا مركا بيت خرجت الجزاير كاملا بنساها بعجايزها بكبارها بصغارها للشوارع و في عز الليل بينما يقتل في غزة 3000 انسان بريء واحد يلا خرج من دارو بالله عليكم هذا شعب يقدر يدير حل لروحو
أقسم بالله ونقعدو قرون بهذي العقلية ما نديرو مشي حل عشر حل ما نديروهش
وان ثو ثري فيفا لالجيري بالله عليكم اية لغة هذه وان ثو ثري انجليزية فيفا اسبانية لالجيري فرنسية ههههه سبحان الله شعب مخلط رايح ويخلط ما قدروش يصنعو جملة عربية متناسقة يعبرو بها على حبهم لوطنهم الذي لم يحبوه يوما بدليل انهم يروحو زودياك فوق باسينا تاع بلاستيك كيما يقولو وما يعيش هنا فما بالكم لو يفتحونا الفيزا والله ماغير تصيب العجايز مساكين يدورو وحدهم......
الشهدا مساكين لو كان كانو عارفين بلي يجي موراهم غاشي داير هكذا مكانوش يتعبو رواحهم مساكين
كيما يقلك حرروها الشهدا وداوها شوادا حاشا اللي ما يستهلش
سامحوني على هذا الكلام القاسي ربما لكنها الحقيقة المرة التي لا مناص منها وهذا الكلام انما هو دعوة للجميع بأن يستيقظ من سباته ونومه العميق أمامنا عمل كثييييييييير لتحسين أوضاعنا فعلى كل واحد عمل ما يستطيع مهما كان ذلك العمل صغيرا لأن ما نعمله مهما كان صغرا في أعيننا لكنه يحدث فرقا