علي لضرارطالت
________________________________________
أعلي لضرار طالت يا حزني..........ما نرقدش النوم من عيني ســــــارح
يا خويا ماهوش ضري عاجبني.......ارحمني راني من الدنيا رايـــــــــــح
عني لاتبكيش يا صاحب ضني........ما ينفع في الكاتبة نوح النايــــــــــــح
اعزم لي جيب الطبيب ايداويني......ويلا تنصح جيب لي كحل اللامـــــــح
يا خويا مشعال في قلبي يسنى........ضربة جات مكلفة وانا ناطــــــــــــــح
يا خويا بيا ايشيرة هلكتني............مولاة المفتول على القصة مايــــــــــــح
يزينة لوصاف خيبتي ظــــني..........خليتيني بين عدياني طايـــــــــــــــــــح
شاكيتك بالعين زعم تقيثيني..........لا خرجت رآفة من القلب الكاســـــــح
باغيك اترأفي علي واتجيني........من عادة لجواد تقلب وتسامــــــــــــح
يا حبيبي كل شيء جاء فوق يدي بالله اعليك افهمني كل شيء جاء مقدر من عند العالي وعلاش راك تهلك في روحك وتقتل فيا لوكان جات بيدي راني عندك في الدار فارحة فرحانة ولكن ماباليد حيلة استهدى بالله العالي وانساني بالله اعليك يالغالي