السلام عليكم
ياوليداتي واش هدا؟؟؟
هل هدا قصف عشوائي؟
ادا كان صح هدا القانون فانا اقدم :
اقتباس:
المشاركة الأصلية كتبت بواسطة ل..ب..ن..ى
بسم الله الرحمن الرحيم
التاريخ : 05/11/2010 م
الســــادة / اهل منتديات الجلفة لكل الجزائريين والعرب
الأســـتاذ / من وضع القانون
الســـــــــــــــلام عـليكـــــم ورحمــــــة اللـــــــه وبركاتـــــــــــه......
بداية" أتقدم لسيادتكم بجزيل الشكر والتقدير على مالقيته من حظر متواصل وحسن معاملة الردود شخصيا" , ومن زملائي الاعضاء الأفاضل خلال فترة تقرعيجي في هذا المنتدى مما كان له الأثر الطيب في نفسي .
وأفيدكم بأنه نظرا" للدفعة الجديدة من القوانين التي تقنط العضو المشترك بالمنتدى في اخر مادة من الدستور الجبائي المنتداتي القائلة: يمنع منعا باتا الرد بغير اللغة العربية الفصحى في منتدى المواضيع العامة ...واللي هو البيرو تاعي.... , فأنني وبكل مافي النفس من مشاعر أخوة ومحبة ^-^ أتقدم لسيادتكم بإستقالتي عن التقرعيج من المنتدى...... , وأرجو منكم التكرم بقبول إستقالتي هذه وذلك إعتبارا" من 32/13/2010 وحتى 31/02/2011 مع إعتبار هذه المدة فترة إخطار بالإستقالة
, كما أتقدم بطلب شهادة خبرة من الفترة الزمنية التي بدأت بها الالمشاركة في المنتدى المقعر...اقصد الموقر,
وإذ أنني أنتهز هذه الفرصة لأتقدم بالشكر لكل من ساهم وتعاون معي لإنجاح الأعمال الموكلة لي طوال فترة تواجدي داخل المنتدى داعيا" المولى عز وجل أن أكون قد وفقت في عملي منذ إلتحاقي برصد ردودي معكم , كما أسأله جلت قدرته بأن يكتب لنا ولكم التوفيق والنجاح و أن يوفقكم إلى الخير والتقدم والرقي للشركة , شاكرا" لكم حظري المتواصل ... حدف مواضيعي وردودي ... نقل مواضيعي لقسم الهم قسم الشكاوي ... والاندارات الموجهة الي"
أرجو ان تقبل استقالتي ......... اقصد ان لاتحدف !!!
وتفضلوا بقبول فائق الإحترام والتقدير
مقـدم الطلـب
ل..ب..ن..ى بنت زهرة التلاال التلمسانية بنت bogossa hugossa
التوقيــع :
Bogo04.13
مع تمنياتي لمنتداكم العامر بمزيد من التقدم والإزدهار.
|
سلاااااااااااام
اقتباس:
المشاركة الأصلية كتبت بواسطة سجعة الورقاء
|
اقتباس:
المشاركة الأصلية كتبت بواسطة الأمل القااااادم
|
الحاجة الوحيدة اللي راح تغيضني بعد تطبيق القانون الساخر هدا
بعدما كتبت موضوعي الاخير واللي راح لمزبلة الشكاوي
الحاجة اللي راح تغيضني هي:
ماراحش نعاود نلقى الناس اللي حبيتهم هنا
والله غير كانو كيما خاوتي !!!
المنتدى راح يروح فيها
انا اول واحدة راح تروح فيها خاطر مانحكيش الفصحى
الله غالب !
اتمنى اتمنى من كل قلبي
هههههههه
اني نكون على اتصال في جهة اخرى مع خاوتي اللي عشت معاهم هنا
ليلى تحلب البقرة
بابا في البستان
ماما في المطبخ
عمر دهب الى المدرسة بمحفظة كبيرة
وتودّر في الطريق
ولم يعد الى البيت
سلاااااااام
اقتباس:
المشاركة الأصلية كتبت بواسطة صُبْح
والله صدق فيكم قول الشاعر :
إلام الخلاف بينكم إلاما *** و هذه الضجة الكبرى علاما ؟
و فيم يكيد بعضكم لبعض *** و تبدون العداوة و الخصاما ؟ |
السلام عليكم
اختي في موضوعي الدي كتبته اليوم
والدي نقل الى قسم الشكاوي
رايت ردك هناك ورد الاخوة الكرام
وددت لو كانت صفحة للنقاش
لكنني اعلم انني ادا كتبت هناك
فانك لن تستطيعي رؤية ردي
لانه بكل بساطة
في قسم ...........الشكاوي
رغم انني لم اشكو وانما طرحت نقاشا
اقتباس:
المشاركة الأصلية كتبت بواسطة صُبْح
أختي لبنى أما هذه فلم أحبها منك ، ما العيب إذا كتبنا بالفصحى ؟ |
اقتباس:
المشاركة الأصلية كتبت بواسطة صُبْح
لم اقل انه عيب علينا الكتابة بالفصحى
وانما العيب تجاهلنا للغتنا العامية
لم يقل أحد أن تكتبوا بلغة المتنبي و العقاد و لكن الحد الأدنى مطلوب
انا جزائرية وانتي كدلك
ماهي اللغة المستعملة في الشارع؟
اين نستعمل اللغة الفصحى؟؟
يا الله علاه نكدبو على رواحنا؟؟
لماذا كل هذه البلبلة ؟
القانون يقول : ......ل..ب..ن..ى وبعض الاعضاء الاخرين
اخرجو من المنتدى
كيف لي ان لا اتكلم عن حقي
وانا في عامي الثالث في المنتدى !!
المنتدى جزء من ممتلكاتي الخاصة
ويطردوني منه بعد ما ربّيت عليه الكبدة ؟؟؟ :d
والله أمركم عجيب تفضلون العامية و الفرنسية
ماقلناش الفرنسية وانما العامية
والعامية هي لهجة جزائرية
لهجة تتميز بيها الجزاير *******بلادي***
على لغة الضاد لغتكم و لغة قرآنكم و نبيكم !!!
هي لغة القران
ولغة النبي عليه الصلاة والسلام
تعلمتها .............. مند ان دخلت المدرسة
ولكنها ليست ملكي
فانا جزائرية ومعروف هو اصلي
لما اكدب؟؟...
ثم لو سمعك عبد الحميد بن باديس ترددين أبياته و تفسرينها تفسيرا آخر لصعق !!
هه عبد الحميد بن باديس لو علاش في زماننا هدا رحمه الله
وراى منتدى جزائري يحدف الخاصية الجزائرية اللي هي لهجتنا منه...............لصعق
شيء مؤسف أن تقولي ما قلت و المؤسف أكثر أن هناك الكثيرين مثلك ممن يرفضون التعريب ،
لم اكن يوما ضد حملة التعريب
بالعكس دعمتها
وتوقيعي السابق كان اكبر دليل
على تعريب الاسامي
مي مانيش مع التغيير هدا
!!!!!!!!!
السنا جزائريين؟؟
نحن ننتسب للعروبة حقا
فالتاريخ يقول ان اصلنا ليس عربي
وانما اندمج العرب مع الجزائريين ...البربر... ونشرو فيها الاسلام
عشنا اكثر من قرن تحت استعمار فرنسي
ربما يكون جدي الاكبر فرنسي وجدتي الكبرى امازيغية !!
وانا تعلمت العربية
فهل يعني هدا انني عربية؟؟؟؟
ماذا بقي أن نقول سوى الحمد لله الذي تولى حفظ اللغة العربية .
|
الحمد لله على كل حال
نعرف العربية ...... الفرنسية ..........الانجليزية
الامازيغية شوية .............. والعامية الجزائرية
قولو الله يبارك
فانا جزائرية
سلاااااااااام
اقتباس:
المشاركة الأصلية كتبت بواسطة °↓صمت الجروح↓°
حبيت نعرف برك شكون ألي يقيمني بالسلب
ألي عمري ماقيمت بيه..لو كان تكرم وضع اسموا هكا نتعرفوا عليه....
سلام
|
ههههههه
انت تاني؟؟
انا تاني قيموني بالسلب
ولا يوجد في التقييم غير نقطة
!!!!!!!!!
نقيم بالسلب لاننا لا نرضخ للاوامر
او ربما لاننا مللنا الموافقة على كل قانون !!!!!!!!!
السنا جزءا من هدا المنتدى؟؟؟
اليس لنا الحق في ترك بصمتنا وابداء ارائنا؟؟؟
سينورمال المنتدى يتبيراطا مرة على مرة
سلااااااااااام
وحدين راهم مع وحدين ضد
اللي مع القانون نورمالمون مايهدروش
خاطر القانون لا يضرهم
اللي عندهم حق المجادلة هما اللي راحو في 60 داهية مع هدا القانون
سلااااااااام
اقتباس:
المشاركة الأصلية كتبت بواسطة العمر سراب
السّلام عليكم ورحمة الله وبركاته
لن تكون الأمور لدرجة التّهويل الذي أراه من خلال ردودكم..
فكما لو كنّا دعوناكم للكتابة بلغةٍ لم تتعلّموها في أولى مراحلِ الدّراسة!
أختي بكلّ صراحة أتعجّب لأمرِ طلبتنا..
فهل درستم كلّ اللّغات عدا لغة دينكم؟
أرجو أن ينبع التعقّل والحكمة من طرف مُثقّفينا.. |
السلام عليكم
اختي والله تعجبني طريقتك في الردود
ولغتك الفصحى الله يبارك عليها
انتي تعلمتيها اكثر مني
تتقنينها خير مني ............انا واش دنبي؟؟
مانعبرش عن رايي ادا لم اكن اتقنها؟؟
ماقلتش راني ضد التعريب
حاشا
صافي بليزير يتعرب المنتدى
مي باش يصدر قانون يقولك ماتزيدش تحكي بالعامية والله ماحق عليهم
لوكان كاين مواضيع كثيرة تقول يالله نرتقي بالفصحى
نكتبو بالفصحى
نتعلم الكتابة بالفصحى
ابدع انها فن لغة الضاد
انا وحدي نرجع نكتب بالفصحى
مي ضربة واحدة تقولولي لازم تكتبي بالفصحى
لوكان حتى نكون رايحا نكتب بيها نبطّل !!!!!!
\
بالنسبة للفصحى وين شفناها
اختي المستوى تاعي جامعي
مي نقولك الصح
من لي كنت في الكولاج ماعاودتش سمعت واحد يحكي بالفصحى
غير الافلام المترجمة والمسلسلات
وخطب تاع السيد بوتفليقة مي غالبا مانسمعلهاش
والاخبار ... مانتفرجش الا ادا كان حدث مهم
وانا من وقتاش ما هدرتش بالفصحى علنا؟؟
يا حصرااه !!
والله مانعقل !!
قلتي انك تعجبتي لامر الطلبة
يا اختي ملي طلعت لافاك ماشمعتش كلمة بالعربية في المجال الدراسي
كيفاه حبيتيني نوصل معلومات للغاشي بالفصحى!!!
انسحب خير من لي نحكي بيها
مانيش نقول ماعنديش مستوى في العربية
بالعكس
لوكان ماكاش عندي مستوى لوكان مافهمتش مواضيع كثيرة كتبت بالفصحى
مي ديفوا بنادم باش يوصلك معلومة لازم يحكي باسلوبو الخاص
ايماجيني يجي قانون يقول لازم كامل الاعضاء يحكيوو بالفرنسية
وانتي من تتقنين العربية الفصحى ==الله يبارك==
واش راح يكون شعورك ؟؟
راح تلحقي رايك بالفرنسية كيما تلحقيه للغاشي بالعربية؟؟
انا متاكدة انك تقولي لا
ايمالا احسني عوني انا نحب نوصل المعلومة بالدارجة ثم بالفرنسية ثم بالعربية الفصحى وبعدها بالانجليزية
هدا هو ترتيب رصيدي المعرفي
واش ندير؟؟؟
نخرج من منتدى عشت فيه عامين ونص ولا اكثر ؟؟؟
ماشي نورمال !!
اعدريني على رايي
ان كان فيه تجريح
سلاااااااااام
اقتباس:
المشاركة الأصلية كتبت بواسطة صُبْح
أختي لبنى أنا لا أدافع عن القانون ففي الأخير هذا منتدى لا غير أنا أدافع عن مبدأ ، عن اللغة العربية التي أراها تطعن من أبنائها فماذا أبقيتم لأعدائها ؟؟؟!!!! |
اختي والله لست ضد اللغة العربية الفصحى
وانما انا ضد قانون يمنع الجزائريين في منتدى جزائري من استخدام لهجتهم
!!!
مادبيا ترجع العربية اللغة الاولى في العالم علاه لا؟
وادا رجعت اللغة الاولى التي يتعامل بها العالم
ساتكلم بلسان اصرح من لسان العرب السابقين
اختي انا منين قلت اللي راه مع القانون ماعندوش الحق يحكي
ماكنتش عليك اولا
وماكنتش على اللي راهم يقولو واش فيها ادا تكلمنا الفصحى
ايه واش فيها ادا تكلمنا الفصحى بالعكس صافي بليزير تحكي فصحى
مي مالازمش تكون مرغم تحكي بيها
اللي حب يحكي بيها يحكي اللي ماحبش الله يسهل عليه!!
ولا راني غالطة
ادا قال الاستاد في القسم:
هل فهمتم الدرس؟
من له الحق في التكلم؟؟؟ ..... اكيد اللي مافهمش يقول انا مافهمتش
ماشي اللي فاهم يقول فهمت
اللي فاهم فهم لروحو ماشي للبقية باش يقطعلهم رزقهم
هدا واش حبيت نقول برك
اعتدر ان كان في ردي تجريح!!
سيفاوو اعدرني على قطع الدقيقة تاع الصمت
................
سلااااااااام
اقتباس:
المشاركة الأصلية كتبت بواسطة *الفتى الصغير*
يبدو اننا سنكون اكثر عروبة من
اهل الجزيرة و العراق و الشام |
ههه بصوت عال يا اخ العرب
فسمعي لا يصل الموجات التي احدثتها !!
ومن اهل الشام والعراق لتقارن لغتنا بهم ؟
بالمنتدى العراقي يتكلمون خليجية عراقية
بالمنتدى الشامي يتحدثون شامية عدبة
بالمنتدى الجزائري ........ العامية؟؟ اي عامية؟؟
ماهي العامية؟؟
هل تتكلم عن لهجة تحدث بها اجدادنا وكلمونا بها ؟؟
راح نتفلسف :
اللغة العربية لغة القران ........... لغة الاسلام ............... لغة خاتم الانبياء عليه الصلاة والسلام
كيف لك ان تسمي نفسك مسلما وانت لا تتكلم بها؟؟
غبي يا من تسمي نفسك وتتكلم بالعامية
اللهجة الجزائرية:
كانت الجزائر قديما بقعة يعيش عليها بعض الامازيغ
يتكلمون الامازيغية
لم يكونو مسلمين
دخل عليهم العرب ........... اتوو من بلاد مصر والشام ومن البيت العتيق
حررو الشعب الدي كان يعيش هنا وانارو دربه براية الاسلام
احب العرب القدامى المكوث بالمنطقة
فاختلطوا باهل الدار
وقدمو بادن الرحمن سلالة للكون مختلطة بالعرب والامازيغ
عاشوا ومكثوا بالمكان الى ان جاء مستعمر فرنسي فاستولى على التراب
مكث المستعمر اكثر من قرن بالدار
وغادر بعدها بعد ثورة الامجاد
كان اهل الدار اذكياء ........ فلم يدعوا المستعمر يرحل دون ان يستفيدو منه
اخذوا عنه كذا وكذا وكذا .........واستولوا ايضا على لغة الرشاقة الفرنسية
اتقنوها ....... احسن من الفرنسيين انفسهم
وصنعو بها لغة جديدة .......... تملق بها اصحابها وجادوا بها في كل مكان
كانت لهجتهم خليطا : امازيغية .عربية.وفرنسية ...... نسقوه في احلى الحلل وكان اروع خليط
سارو به في كل بلاد
وحفرو للجزائر اثرا في كل منطقة على سطح الارض
لا يوجد بلد في العالم لا يوجد به جزائري
فرنسا ................ تكلم اهلها بمفردات من اللهجة الجزائرية
المانيا ايطاليا اسبانيا امريكا كندا وووو
كيف فعلو دلك؟
تزوج الجزائريون كل مع اهل كل دار
وجادو بلهجتهم في كل مكان
في امريكا ................... هناك دراسات ....تدرس اللهجة الجزائرية
في فرنسا ................... يفسرون المفردات للهجة الجزائرية
ومناطق اخرى تحاول فهم اللهجة الجزائرية مصدرها طريقة تنسقها .....
علماء ليسو جزائريين عالميين .......... يحاولون صنع القاموس الجزائري
ويبشرون بولادة لغة جديدة في هدا العالم الفسيح اسمها اللغة الجزائرية
فترتقي اللهجة الجزائرية لتصبح لغة
المنتديات الجزائرية تدعم اللهجة الجزائرية
وتترك لزائر الانترنت التعرف على بلد المليون ونصف المليون شهيد
اكثر فاكثر
ولكن............. اكبر منتدى جزائري يقف في وجه حملة بروز الجزائر والجزائريين
بحجة ان الجزائر بلد مسلم وعربي
وعليه ان يتكلم الفصحى
التي لا تستعمل الا احيااااااااااانا قليلة في مواقف ليست بالكثيرة في بلد اسمه الجزائر
تلك اخر انباء الانترنت
:d:d:d:d
اقتباس:
المشاركة الأصلية كتبت بواسطة نينا الجزائرية
اين الامازيغ عليهم بانشاء منتدي خاص بهم
|
على الامازيغ فتح منتدى امازيغي خاص
وعلى التلمسانيين فتح منتدى يتكلم بلهجته العامية
وعلى الوهارنة نفس الشيء
والعاصمة والشلف وقسنطينة وسطيف وتبسة وعنابة
وتمنراست وبشار وتندوف وباتنة و
وعلى الجلفة فتح منتدى يمثل العرب في العالم الافتراضي
لا يتكلم غير الفصحى
:d:d:d:d:d
سلاااااااام
اقتباس:
المشاركة الأصلية كتبت بواسطة zorro__dz
لبنى ههه ممنوع الفرنسية حنا العربية وراهي في négociation هههه
يا جماعة وشكون قالكم حنا ضد العربية سبحان الله، واحد قال لغة القرآن واحد قال لغة الضاد ياودي عارفين كلش.
المشكل يبدا من حوايج كبار إذا كنا نتكلم عن اللغة العربية كاساس للمنتدى يجب تعريب اسماء المنتدى فحوالي 95 بالمئة من المنتسبين كل اسمائهم بالفرنسية. هذا هو الإشاكل الكبير، لماذا يسمح بالتسجيل بالغة الفرنسية ولا يسمح بالتكلم بالعامية ؟؟؟
|
ههه تلفتلي وانت فضحتني
يا اخ العرب
انا اتكلم الفصحى يا اخ العرب
وعندما تتلفلي كلمة ابحث عنها في القاموس
واتي لاكمل حديثي وابدي رايي
ادا لم انسى الفكرة التي كنت ساكتبها اكيد
وادا نَسَيتُهَا ماذا في ذلك
فأَنا شقَّيتُ روحي وبحثتُ عن الكلَمة في القاموس
لقد اقتنعت بتعميم الفصحى
وأَنا أود من سيادتكم
وضع قانون اخر
ليرقى المنتدى اكثر يقول:
كُلُّ عُضوٍٍ لَا يَشكِلُ كَلِمَة ً هُوَ مَطرُودٌ مِنَ اَلمُنتَدَى
الشكل اساسي في اللغة العربية
وعلى العضو كاتب موضوع س ............. اعراب كل كلمة في الموضوع
والا لن يقبل موضوعه
اول عضو يرد على الموضوع س
عليه ان يحول الموضوع الى جمع المدكر السالم ادا كان دكرا
والى جمع المؤنث السالم ان كانت انثى
واجر الكل على الله
سلااااااااااااام
اقتباس:
المشاركة الأصلية كتبت بواسطة العمر سراب
السّلام عليكم ورحمة الله وبركاته
حكمتِ برفض أغلبيّة الأعضاء للتّعديلات الجديدة وأخصّ فكرة تطبيق اللّغة العربيّة كلغة أصليّة في تعاملنا بهذا الفضاء..
لكن هل قارنتِ عدد الرّافضين بهذا الموضوع بعدد المنتسبين!
لا يجب مقارنة الرافضين بالعدد الاجمالي للمنتدى
فهناك اعضاء غادرو المنتدى ولم يعودو اليه
هناك زوار ياخدون منه مايريدون يدخلون كزوار بعضويات
لا يناقشون ولا هم يحزنون
هناك اعضاء حظروهم سجلو بعضويات وحدخرا
انا وحدي عندي بالاك اكثر من 10 عضويات
اللي محظورة محظورة واللي نسيت لها كلمة السر وووو
يعني ادا حبينا نسبة مئوية
لازم نقارنو بعدد المتواجدين لا بعدد المنتسبين
ملاحظة وفقط
أكيد لا يُمكنك الحُكم بهذه السّهولة..
كما أنّ أمر التّعديل راجع لأعضاء الإدارة،
وإن وُجد ما يُؤرّقكم من خلال ما ورد من تعديل فبإمكانكم رفع شكواكم إلى إدراة المنتدى
لكن تذكّري أنّكِ هنا بعد مُصادقتك على هذا القانون.
المصادقة كانت على قوانين اخرى
لا دستور معدّل
اللهمّ وفّقنا لاسترجاع مكانة لُغتِنا العربيّة الأصيلة. |
[COLOR="blue"]اللهم امين
تدخل فقط لابداء راي
في منتدى يقول انه ديمقراطي
سلاااااااام COLOR]