[عاشقة الكواكب]

المشاركة الأصلية كتبت بواسطة المُعادلة الصّعبة

وعليكم السلام ورحمة الله وبركاته
أهلا بكِ أختي، وفقكِ الله في دراستكِ ويسّر أمركِ ( سيرتو الميموار علابالي تعيي )
أنا من دفعة باك 2018 ودخلت هذي الأيام نتفقد المنتدى بعد غياب سنوات، انا نشفى على اسمك ربما أنتِ تتذكريني وربما لا
اللي فاجأني هو الهجر التام للمنتدى، عالأقل هذا القسم يكون نشيط
يعني حتى ولو كاين الفيس بوك وبقية مواقع التواصل بصح المنتدى لا يمكن هجره بالنسبة ليا مفهمتش كيفاه متحلبولوش والله فيه كنوز خصوصا مواضيع الطلبة القدامى سواء من ناحية النصائح او من ناحية المصادر، كان مليء بالنوابغ
احنا كنا ناشطين بزاف هذي تحديات هذي نشجعوا بعضانا هذي نتشاركوا مع بعضانا كلشي مفهمتش كيفاه حتى وصل للنقطة هذي غاضني جدا
على كل ربي يوفق كل واحد وان شاء الله يعود كما كان يوما ما

اللهم امين يا ربي و لك بالمثل
اكيد متفكراتك الاشخاص الوحيدين لي منسيتهمش في منتديات هوما تع منتدى الجلفة بسكو صح حياتي كانت هنا
اكيد اكيييد نوافقك في هذا المنتدى كنز والله احسن من كل مواقع تواصل مافيها حتى فايدة غير تكسار الراس
و تلقياي روحك رحتي لجوانب اخرى لا منفعه و لا شيء
يا ريت اتمنى يرجع النشاط ان شاء الله بلاك تكون عندي الوقت لرجوعي في منتديات بعد التخرج لانوا علابالي كاينه فترة
الاكتئاب ما بعد التخرج خاصة اذا كانت مناصب العمل شبه منعدمه
ان شاء الله ربي يوفقهم اينما كانوا و ربي يجمع شملنا مجددا باذن الله