الموضوووع طويل جدا وله عدة زوايا للرؤية على حسب الحالات والاشخاص والديانات المعتمدة
في الجزائر تبالي غي جياحة و مضيعة وقت للمراهقين وما زالو مايعرفو للدنيا والو
الحب يبدا بمراحل منها الاعجاب وهذا ماشي بالساهل ترحي فيه وتطلقي راسك اي انسان يعجبك هو هذاك قادر غي المخيلة نتاعك صنعاتو بهاذيك الحلة .....
تبدا الحكاية بتعرفي انسان اليوم تعيطيلو غدوة عمري وعينيا وهو كرجل يبلعطك بزوج كلمات و تبداو تخرجو مع بعض تدورو تقصرو تدابزو و ترجعو تتوهمو بمشاعر قادر تكون أصلا ما كانش غي تتوالفتو تقتلو الفيد مع بعض قال رانا ف علاقة مع بعض (اون كوبل ) وتحسبولها حتى بالساعات تحت مسمى العشرة حتى نهار تبداو تبانو لبعضكم مملين واحدهما يبدا يصيب فالاسباب وتتفركتو وتبدا حكايات خدعني وخدعتني
.................................................
وقادر هاذو زوج يكملو فيها حتى للزواج حاسبينو نهاية مطاف البعض عادي تلقاهم هانيين ومزالو عارفين يتفاهمو والبعض مزال ما تعلموش يكون مسؤووولين وتبدا سلسلة المشاكل اللي رانا نشوفوها ف المجتمع نتاعنا ...............................مجرد رأي نامن بيه أنا ف هذا الموضوع احتتمال نكون غالطة وزايدة فيها وشكرا