[نـــورسين]

-
وعليكم السلام ورحمة الله وبركاته

اول حاجة الانسان لوكان يقعد يصعب في حاجة ويقنع في روحو بلي صعيبة وانا مش راح نفهم حتى لوكان حاجة بسيطة

ماتعرفيش تحليها ، انا مثلك منذ طلعت الثانوي في اولى ليسي برك قراوني 4 اساتذة رياضيات في الليسي و2و3 نفس الاستاذة

غير تفوت لاعلاقة المهم كانت نقاطي عااادية وكرهت المادة ، لكن كي طلعت للباك الناس كامل تشكي ووو انا زدت خفت كثر

سجلت دروس خصوصية عند استاذ وزيد كنت نتبع قنواب تاع الرياضيات ، صح المرة الاولى تجيك صعيبة وتحسي روجك ماراكي فاههمة والو

لكن كي تاخذي الفكرة الاولى بالطريقة المناسبة خلاص ، الافكار في الرياضيات من 2008 الي 2018 مكررة غير يبدلوا الدالة ولا الاعداد غير باك 2019
فيها تغيير شوية

بالعكس الرياضيات مادة سهلة نتي برك ثقي في روحك والعبد مايستلمش من اول محاولة ، ولازم تفهمي الدرس مليييييح قبل ماتبدأي تحلي التمارين

وهاذ الشعور راح يجيك في كل وحدة جديدة نتي ماعليك الدرس تهضميه مليح
مثلا ذرك راكم مع الدوال لازم تكوني حافظة جميع حالات الاشتقاق ابدي تدربي غير اشتقي برك ماديري والو ، بعدها النهايات وازالة حال عدم التعيين

نتي تكوني تمكنتي من الاشتقاق وكل شئ حلي غير النهايات النهايات ، ابدي بشوي بشوي النهايات والاشتقاق هوما الاساس تاع التمرين الباقي ساهل

كيما قتلك ننصحك ماتبديش بدراسة دالة ديركت ابداي غير بالنهايات والاشتقاق وكي تتمكني منهم كملي الباقي الاشارة وجدول التغيرات ووو

علابلي طولت عليك المهم انك تستفادي ن وبالاكي تنساي البكالورايت كل محور تكملوه حلي البكالوريات تاعو وديري في بالك ديما الفروض والاختبارات يصعبوهم كثرر من الباك