السلام عليكم ، إن شاء الله خباركم كامل لباس الفحـــلاتــــ ... جيتكم بوصفة تقليدية روووعة للكروكي معتمدتهــا دايمن إن شاء الله تجربوها و تعجبكم بسكو هي وصفتي المعتمدة ما نستغناش عليها ، الوصفة للشيف ميليسا كهينة أولا المكونات هي : 4 بيض ، كأس سكر ، كأس زيت ، قشور ليمون ولا برتقال ولا لافاني برك ، 2 خميرة كيميائية، فرينة على حساب الكمية عينك ميزانك تقريبا تقطع 4 ولا 5 كيسان فرينة [/url][/IMG] حطيت البيض مع رشة تع ملح نسيت ديروها تاني ، مع كاس سكر و قشور الليمون و خلطت ملييييح حتى يذوب السكر و يتجانسو المكونات ❣ [/url][/IMG] آخر حاجة درت الفرينة مع زوج باكي خميرة بعد ما غربلتها مليح ❣ [/url][/IMG] و هــذا الشكل النهائي للعجينة ما تكثروش فرينة فوق العبر باش ما تجيش يابسة نص نص برك ❣ [/url][/IMG] [/url][/IMG] بعدها شكلتها حرابيش و قسمت عجينة على زوج حطيتها ف سنيوة مدهونة بزيت لاااازم تدهنونها سينون رح تلصقلكم و نصيحة ما تكبروش لحرابيش ما تنساوش بلي كاين خمارة و رح تتنفخ ف الكوشة و يتضاعف حجمها ❣ [/url][/IMG] هنا يجي الشكل الخارجي للكروكي تقدرو تدهنوه بصفار البيض وحدو كيما حبيتو أنا درت صفار بيضة و شوي حليب و مغرف كاكاو نوار باش يجي شكلو شباااااااب و عملت هاك خطوط بالفرشيطة يعني الشوكة في حال ما فهمتوش الكلمة ههههههه ❣ [/url][/IMG] شوفو شكلها كي شباب بعد ما تنفخــت هذا أجمل منظر طبيعي مكان لا خرير المياه لا زقزقة العصافير يتنحاو قاع ❣ [/url][/IMG] [/url][/IMG] مهم كي طابت و تحمرت من الجوانب خرجتها من الكوشة قطعتها و حطيتها على الجوانب باش يتحمرو التقطيع على حساب رغبتكم تقدرو تكبرو ولا تصغرو شوفو هنا حطيتها التحت و شعلت عليها من فوق باش تتحمر مليه عاودت قلبتهم من الجانب الثاني باش يتحمرو مليح ❣ [/url][/IMG] و هـــذا الشكل النهائي للكروكي و يا محلاااااه و محلى بنتـــو يادرا عجبكم إن شاء الله تجربو الوصفة ناجحة و سريعة بضمااانتي ❣ [/url][/IMG] [/url][/IMG] [/url][/IMG] آخر حاجة نطلبها منكم خياتي العزيزات❣ تدعولي ربي ينجحني في البكالوريا و يفرحني و يفرح والديا ، و يفرج عليــــا و يحققلي واش في قلبـــي و يستجيب لدعواتي في كل صلواتـــي لا تنسوني من صالح دعائكـــم و بارك الله فيكم دمتـــم سعــداء و البسمــة لا تفارق وجوهكـــم و السلام عليكم 🖤 ❣