قلب البقلاوة
اولا
صينية الفرن 24X30 سم
و المقادير راهي مضبوطة مئة بالمئة
مكونات العجينة
رطل فرينة
250 غ زبدة ذايبة و باردة
رشة ملح
م ص فاني
حبة بيض
ماء الزهر
الحشو
رطل كوكاو محمص و مطحون خشن
ملعقتين جلجلان محمص
نصف كأس سكر عادي
ماء الزهر
التعسيل
رطل عسل
زوج مغارف ماء الزهر
الطريقة
نحط الفرينة ونفرغ عليها كمية الزبدة لي ذوبناها وخليناها تبرد نضيف رشة ملح والفاني
نبسس الفرينة جيدا ونجمعها بالبيضة وكمية قليلة من ماء الزهر نلمها بلا مانعجنها
نقسما الى قسميين متساويين ونخليها ترتاح
في هذا الوقت نحضر الحشو
نخلط االكوكاو مع السكر والفاني والجلجلان
نضيف ماء الزهر غير بالملعقة ونخلط لازم الخليط يكون مرمل مايكونش جاري
بواسطة الحلال نبسط الكويرة الاولى فوق ورق الطبخ تكون رقيقة
ناخذ الصينية
ونحط الطبقة الاولى ونعدلها جيدا
نحط الحشو ونسويه
نبسط الكويرة الثانية ونحطها فوق الحشو دائما نستعين بورق الطبخ
نقطع الحلوى الى مربعات من فوق برك ما ندخلوش السكين حتى للتحت
بواسطة النقاش ننقشه كل حبة على حدى
من بعد نطيبها مباشرة يعني ما نخلوهاش ترتاح و هادي من تجربتي الخاصة
في فرن مسخن مسبقا مدة نصف ساعة و من بعد نشعل من فوق باش تدي لون ذهبي فقط
بعد خروجها من الفرن مباشرة نعسلها ونزينها بالجلجلانية و نتركها جانبا ما نمسهاش حتى تفوت عليها عل الاقل ثمان ساعات
بعدها نقطعها ونقدمها
و بصحتكم