وش راكي حابة تعرفي؟؟؟؟؟؟
أسرار الخطاب
ماضيهم
حاضرهم
تفكيرهم
طباعهم
أم أشياء أخرى
الزواج ما يعنيش أنك تكوني متوافقة مع الشخص.
كيما نقولو في المثل اللي عندنا:
شبشاق ولقى لغطا ديالو.
يعني:
لا المرأة شبشاق
ولا الرجل الغطاء المتوافق مع الشبشاق.
الزواج يخضع لعدة متغيرات
وتطرأ عليه ظروف وحوادث
ومع مرور سنوات الزواج المرأة بحد ذاتها تتغير
والرجل يتغير هو كذلك.
يعني أنت تبحثين عن أوهام
مستحيل تعرفي الرجل أبدا أبدا
حتى وإن كنت منفتحة وتخرجي معاه.
)عرفوهم) وخرجو معاهم لسنوات
ومن بعد يقوللها أنت غير مناسبة لي.
أنت الآن الشيء المؤكد اللي راكي ديري فيه الآن هو:
تضييع فرص الزواج.
ويجي نهار واحد مايتقدملك.
مع الأوهام اللي راكي دايرتها في راسك رايحة تبقاي هكذا.
الرسول صلى الله عليه وسلم أعطانا المبدأ الذي على أساسه نوافق على الرجل
دينه وخلقه.
تعرفي العقلية
تعرفي الشهرية
تعرفي النسب والحسب
كل هذا لايغني ولايسمن.
على كل حال
الغلطة تاع داركم اللي عطاولك تقرري في أمر مثل هذا
خاصة لما يكثر الرفض
كل سنة تمر تفقدي فيها شبابك
وتفقدي فيها بريقك
وتفقدي فيها خصوبتك
كل هذا بسبب أنك حابة تعرفي العقلية.
واللي يجي مايزيدش يعاود يولي.
إنتبهي لنفسك مليح وتوقفي عن هكذا تصرفات.
لأنك تدفعين ثمن كل ذلك.
والطريقة اللي راكي تفكري بيها
وكأنك تحبي تعرفي عقلية عصفور على الشجرة.
في كل مرة يقفز على غصن في انتظار الإمساك به.
وماتجي تفهمي وتستوعبي أنه يريدك حتى يطير من بين يديك.
فلا أنت بفهم العقلية
ولا أنت بالعصفور
ولا أنت بنفسك لأنك في كل مرة تبقاي تفكري في فهم العقليات
دون أي قرار تتخذيه يكون في صالحك.
وتدفعين ثمن كل هذا راحة البال والشعور بالقلق والتوتر والتفكير
وختاما:
أسأل الله لك الهداية
ويرحم والديك إذا جاك خاطب استخيري واستشيري
وحبسي الفلسفة اللي راكي تتفلسفي فيها. عيينا من البنات اللي يبقاو من غير زواج بسبب الأوهام.