اقتباس:
|
- قلت أنك كنت تدرس من 5 إلى 6 ساعات يوميا .. بماذا تقوم بالضبط ؟
|
5 إلى 6 و أحيانا أكثر خاصة في فترة الإمتحانات
نفرضوا مثلا درك رح نقرا نشوف لي موديل لي راني متأخر شويا فيهم نخير 3 ولا 2 و نبدا نحكم البوليكوب ندير عليه طلة خفيفة من لفوق لتحت نفهموا هكذا عموما و نروح نشوف Les QCM لي فاتوا لتم نعرف واش لي راهم يركزوا عليه ومنبعد نبدا نحفظ عادي, نحفظ 30 دقيقة و نرتاح 5 دقائق.
اقتباس:
|
- أنا سأدرس في باتنة لكن هل يمكنني الاعتماد على polycopié لولايات أخرى لأستفيد ؟ طبعا ليس اعتماد كلي اطلاع فقط و بعض الاضافات
|
عادي, بصح غير تع لي مودبل الأساسية (Anatomie-Histo-Embryo-Biochime) و خطيكي من الفيزياء و الكيمياء و منعرف واش كاين خلاف, علاش راهم يقروا فيهم منعرف, الكور و TD يكفي.
أنا مانيش نقولك ماتقرايهمش بالعكس أقرايهم للكونترول و راهم يساعدوا مليح باه الطلعي بصح ماتروحيش تتعمقي فيهم و لا تديري حاجة ماكانش فالبرنامج.
اقتباس:
|
- 9 modules و بالمقابل 7 أيام .. ما حل هذه المعادلة ؟
|
لي موديل ماش كامل متساويين,
chime;biophysique;biostat كنت نبدا فيهم قبل شهر من الكونترول
informatique قريتها فالنهار الأخير ديت 19
ركزي علا واش تحتاجي منبعد فالميدسين, و لوخرين يكفي برك تدي لانوت و منبعد ماعندك ماتديري بيهم.
اقتباس:
|
- بالنسية ل les cours ، قررت أن أحضر البعض فقط بناء على كفاءة الأستاذ .. هل ترى هذا صائبا ؟ خاصة و أن الدراسة الجامعية و خاصة الطب autoformation ؟ و كيف يمكنني تحصيل استفادة قصوى من الحضور ؟ هل بكتابة الملاحظات أم التسجيل أم ماذا !
|
حاجة مليحة أنك تحضري غير عند لي يعرف واش راه يدير
التسجيل انا نقولك غير خليكي منو يضيع بزاف الوقت
الملاحظات و نعاود
ملاحظات ماش كل حاجة يقولها الأستاذ
اقتباس:
|
- بالنسبة ل TP و TD حضورنا إجباري ! فكيف يكون العمل فيها ؟ ماذا سنفعل بالضبط ؟
|
عندنا فالعاصمة يقولك الحضور إجباري بصح لوكان ماتحضرش مايديرلك والو يبقا يخلع فيك ب exclus من لموديل بصح مايدير والو
TD نحلوا السلسلة تع التمارين فالbiophysic و chimie و biostat
TP تلبسوا الطابلية و تصوروا مع الهياكل العظمية و المجسمات تع الأعضاء خخخخخخخخخ
اقتباس:
|
- أخطاء ندمت عليها و أمور تمنيت لو أخبروك عنها قبل السنة 1 طب ؟
|
حشاوهالي قالولي لميدسين صعيبة و منعرف واش بصح عادي تعرفي تقراي تدي مليح.
و أيضا كاين وحد النوعية تع العباد درك تشوفيهم لتم يقرا و يقرا و منعبد يحلفلك بلي ماقرا والو و نهار الافيشاج تلقاه هو مع لي ماجور عس برك تأمنيهم و متقرايش و تكمل عليك mal .
اقتباس:
|
- أنا إنسانة سريعة الملل لا تحب الروتين و هذه مشكلتي الأبدية .. كيف يمكنني تجديد طاقتي في كل مرة و المحافظة على حماسي في ظل جو جامعي محبط قليلا !
|
علاش شكون قالكي بلي الجو الجامعي محبط؟؟ علاش السلبية هاذي من البداية
لمهم حطي عينك على هدف و أبقاي تبعي فيه, الإختصاص كمثال
و حطيها في بالك مليح بلي الآلاف راهم يحلمو يكونوا مكانك و راهم العاودوا الباك بـ 2 و 3 خطرات باه يلحقوا
