2018-08-12, 14:03
|
رقم المشاركة : 5
|
معلومات
العضو |
|
إحصائية
العضو |
|
|
اقتباس:
اولا -القراية صعيبة بزاااف يعني تقرا كل يوم وقداه من ساعة يعني بلا تاع الجامعة -
|
القراية واحد مايخلعك ماش صعيبة بزاف صح فيها شويا الضغط و لي كور بزاف بصح تقدري تفوتيها عادي
انا عن نفسي واحد رحت للافاك الشهر الأول برك شفت لي بروف ربي يهديهم اللي يجي يقرا البوليكوب و يروح - حاشا البعض- و كملتها نقرا وحدي كاين الدرس عندي الحل تع التيدي و طايح عليها ب 5/6 ساعات فانهار و السمانة الي قبل الكونترول ممكن نقولك انلهار كامل و أنا نقرا.
اقتباس:
وش نحتاجو من كتب ولا تحضيرات ولا اي حاجة
|
الكتب كاين الي راهم ينصحوا بتع حمودي الله يرحموا بصح أنا شريتهم و مستعملتهمش كامل فيهم تفاصيل منقراوهمش
إذا خلاص رتحتي من الباك و حابة تبداي شوفيلك الأناطومي شويا الأساسيات تع المحاور و الإتجاهات
اقتباس:
غلطات درتهم ونصائح من عندك
|
كوني a jour و متهملي حتى موديل مام biotat w info
الإجابيات لوكان نبدا منخلصش و أهمها انك تقراي طب
و السلبيات راكي عايشة في بلد يسموه الجزائر
اقتباس:
هل عنك اي معلومة حول الطب في باتنة
|
للأسف معنديش بصحالقراية راها فالجزائر كامل كيف كيف
اقتباس:
ههههه هاذو هوما الاسئلة علابالي مخلطين وبزااااف ساعفنا وفرات
ومزال تجيك الدفعة الثانية تاعهم
|
زيدي جيبي راني باقي هنا
اقتباس:
-سؤال اخير يكون عندك الوقت للترفيه يعني تكونيكتي مثلا
|
لوكان تعرفي تسيري الوقت تاعك يكون كاين
|
|
|