[nilly]

هناك ناس يخافون من العين بشكل غير طبيعي مستحيل يقولك اي حاجة تخصه خوفا من العين وعندما تراه ترى بانه انسان طبيعي يعيش في طروف محدودة

بلله عليكم علاش حتى واحد ماحسد ربراب وهو اغنى الاغنياء راه يزيد في نعيمه يغرق

وعلاش حتى واحد ماحسد الوزراء ولا رجال الاعمال
هدو لغادي يحسدو غادي يحسدوكم برك انتوما

نعرف واحدة كي حملت بولد دكر اي احد يقولها واش تجيبي تقوله بنت وهو دكر خوفا من العين وكي زيدته راحو ناس يبراكولها وهي راحت تخبي الولد باش مايعينوهش وهو ولد عادي جدا وكي شرا راجلها طونبيل هي قاعدة توسوس ليه شرا طونبيل ماشي شابة بلون ماشي شباب وكي ناس تسقسيها تقولهم باه ناس مايحسدوناش وهي محبتش تبني ومحبتش تكري دار خوفا ناس تحسدها وتلبس كل لبس البالي هي وراجلها باش ناس مايحسدوهاش ههههههههههه ضيعت كامل حياتها على جال ناس مايحسدوهاش وراني متاكدة بلي هي لتحسد ناس بزاف علابيها ولات موسوسة كامل هكدا


انا اؤمن بالحسد حتى ماتفهمونيش غلط بصح ماشي لدرجة وسوسة كيما بعض ناس لانه بالاخير لا يحصل لك اي شيئ سوى بادن الله

دركا كيما العقارب والافاعي راهم عايشين بيناتنا بصح هل يلسعون كل ناس اكيد لا

ولدلك لا داعي للوسوسة

اما هادي نتاع كل واحد لازم مايهدرش للمحبطين صح فعلا كل واحد لازم يهدر بمن هو مستواه ولكنني لا اطبق هدا شيئ ولكنني اريد تطبيقه ان شاء الله لان تواضع احيانا مهلكة .

بصح حابة نسقسيك في اي كتاب دكر جبران خليل جبران هدا الكلام ؟ طالما عبقري مثل جبران الدي اعشقه كثيرا .