[أسامة3]

المشاركة الأصلية كتبت بواسطة مِيمْ

السلام عليكم
الحلم ماضاعش نتا راك تضيع في روحك
-ماخصنيش نزيد نضيع سنوات من حياتي-
بالاجابة على هذه النقطة بالذات
نسقسيك شفت نتا واحد يضيع عمرو بسبب احلامو؟
يعني كي تعاود الباك تضيع عمرك
علاش متقولش المرة الجاية يليقلي نجيبوا يا انا يا الباك
علاش تستسلم من دوكا؟
مادابك حي ومازالك تتنفس تأكد انو مكاش حاجة مستيحل
عاود الباك مرة ومرتين وعشرين مرة و ∞+ من المرات
اقرا واسهر وبالنسبة لاساتذتك ماديرش عليهم
نتا دير ثقة في روحك و en plus هنا في المنتدى يعوضوك على كلش
عندك اصدقاء واساتذة مكاش كيفهم
والنصائح اللي مديتها لاشبال باك 2019 نصايح مكاش كيفها
بصح نتا طبقتها؟
هيه معملتش بيه دوكا
اعمل بيها المرة الجاية
تأكد بلي مكاش انسان يضيع عمرو وهو يحقق في احلامو
بابا دايما يحكيلي على صحابو اللي عاودوا الباك حتى كبروا وداروا واش يحوسوا

عاود الباك هاد المرة وودير اللي عليك
تأكد ربي راهو يشوف فيك ومستحيل ما يعوضكش مستحيل
صلي استخارة
ومتبخلش على روحك

اسفة على الاطالة مي واش جا في بالي كتبت
والف مبرووووك مرة ثانية

عجبني الرد تاعك لكن مع الأسف الواقع اكثر ايلاما, نحن في بلاد الأساتذة منافقين ويحبو الدراهم فقط أقول هذا عن تجربة, حاشا بناين الناس واللي يخافو ربي واللي مع الأسف جامي شفتهم غي سمعت بيهم
الا كاين حاجة تعلمتها من هذة التجربة المريرة انو كي يكون خصك تحقق هدف في هاد الدنيا اخفي نواياك ولا تظهرها ابدا, رانا مع وحوش يحسدوك حتى على الحلم يا الرب الكريم لوكان يصيبوك تموت يزيدو يجيفوك,,,
لا أنوي خوض هذه التجربة مرة ثانية لأنه فقط التفكير في ما حدث في هته السنتين يشعرني بالرعب, مانيش ناوي نزيد نكمل على راسي وعلى والديا وانا نجري مور حاجة ماكايناش,
الحمد لله على كل حال, الله غالب كيش ما جات نتقبلوها حنا في النهاية انسان ضعيف لا حول له ولا قوة