[رانية ة]

العفو المهم دعوة الخير برك هذا ما نحتاج



إن شاء الله
نقولك على فكرة مليحة ؟ جربي ضرك أنك تحلي بكالوريات في المواد الأدبية
لاحقا عاوديهم خلال دراستك
بالشوي بالشوي كل يوم حلي موضوع في كاش مادة و رح تريحي منهم نهائيا ما يوجعوش راسك خلاص

العلمية ما ننصحكش تقرايها ضرك ، ,ولا نقول لك ؟ شوفي في اليوتيوب تلقاي خدع روعة تساعدك
مثلا يعطيك بيت شعر فيه جميع الألكان مرتبين لل10

مت الآيث برب البيت بنتاه فهكسا الهبتا و أكتا و نونا و ديكاه

شفتي هذا الشعر يبانلك تافه بالصح فيه جميع الألكانات مرتبة

ميثان إيثان بروبان بيتان بنتان هكسان هبتان أكتان نونان ديكان

وبها تكونين تخلصتي من 10% من الكيمياء العضوية خلال بضع دقائق

هناك أيضا فيديوات أخرى ، تحفيظ الشخصيات و التواريخ بسهولة

و أتذكر فيديو يعلمك كيفاش تكتبي جدول الزوايا الموجهة بدون ما تحفظيه

و أيضا مهم جدا حملو فيديوات للعلوم 3d : فيروس الvih و المناعة الخلطية و المناعة الخلوية .. و اي شرائط وثائقية في العلوم ايضا
منباعد يساعدوكم ، ممكن الآن ما تفهموهمش بالصح منباعد تحتاجوهم للمراجعة
لأنهم يكونو أسهل من الملخصات من ناحية الفهم السريع


المهم شوفو القنوات في اليوتيوب و اختارو ما ترونه سيساعدكم و احفظوه في أجهزتكم

و ننصحك نصيحة

لا تدعي الدروس العلمية تتراكم و لابأس بتراكم الحفظ

صدقيني الحفظ تنهينه خلال بضعة أيام في الفصل الثالث فقط لا أكثر

أما الدروس العلمية لازم تقضي عليها من يومها

شخصيا أنا اهتميت بالعلوم جدا جدا كنت ف كل نهاية أسبوع نحل فوق ال20 تمرين في الوحدة من عند بوالريش أحمد و البكالوريات

أما الرياضيات و الفيزياء كنت لا علاقة و الآن أنا مرتاحة من جهة العلوم و نادمة من جهة الفيزياء و الرياضيات

و أيضا لا تدعي اساتذتك و القسم يؤثرون عليكي

ممكن تستغربو يلي رح نقولو بالصح أنتم على الأغلب مقبلون على أسوأ الأقسام و على أسوأ الأساتذة
هههه ممكن تضحكو بالصح خلاص ضرك وقت الترمينال يعني بعض اللتلاميذ يجيهم إحساس بالتحرر من قيود المدير و الرقابة
و سيبدأ اللعب في القسم
+ تلقاو يلي أكبر منكم بهذاك العمر ، يكون قريب لعمر الأستاذ ، و يقراو معاكم عادي جدا و يتمشكلو بزيادة

و الأساتذة البعض و ليس الكل ( أركز على البعض في كل كلامي ) رح يديرو الدروس الخصوصية غالية جدا
و ميقروكمش مليح ، تقولو عاودلي يقول لك إذا ما فهمش أرواح للدروس الخصوصية
طبعا عارفين المصلحة وين
و كاين طبعا يلي يعرف ربي و الحمد لله ....

نزيد نهدر ؟

معليش نزيد

إذا ما لقيتوش يلي يقريكم في أي مادة ما تقولوش خلاص نخلوها مباعد نقراوها > علابالكم هاذي الكلمة يلي قلتها في الفيزياء و درك ماني قارية والو فيها

ادخلو لليوتيوب و ابحثو عن الأستاذة

كاين الأستاذ نور الدين في الرياضيات
كاين الأستاذ شريفي رابح ، مولاي عمار ، طواهرية عبد العزيز ، قزوري ... في الفيزياء
كاين عدة أساتذة في العلوم لكني لا أذكر أسمائهم للأسف ، فقط اكتب اسم الدرس و سيأتي الشرح جاهزًا

ربي يجازيهم الخير جميعًا

و العام الجاي إن شاء الله رح نكونو معاكم احا يلي اجتزنا باك 2018 لنصحكم و إرشادكم
>> ادعولنا نجو ننصحوكم مش نرجعو نقراو معاكم

بالتوفيق بكم جميعًا



مرسي ربي يعيشك



موقع دولينجو رائع جدا إذا ثابرتم عليه فستتعلمون اللغة بسرعة
إذا لم تثابرو فلن تتعلمو و أكبر دليل هي الفتاة التي تحدثكم الآن

العفو دعوة الخير ما تنساوناش فيها برك





موفقين جميعااااااا

ربي يحفظكي ووفقكي وينجحكي ساعمل ان شاء الله بنصائحك الذهبية
+معك حقا في ما يخص الاساتذة والتلاميذ خاصة البنات حاشا البعض شغلهم الشاغل هو الحسد
اتمنى لكي النجاح وكل عام وانتي بخيير