عندي هدره حابه نقولها
هل فعلا كي قاعدين تقولوا زمن الماديات والناس تفكر الا في المادة وو .. انو الجميع معني بهذا الشي؟
ما تقدروش تجزمو باللي الفتاة هذي من النوع المادي
المادة مهيش هي كلش
كاين ناس رزقهم ربي من الناحية المادية لكن حوايج اخرى ما عطاهمش
ممكن هي تحلم تتزوج واهلها يحلموا يزوجوها وكنت انت رزقها و فرحتها انو واحد جا خطبها .. شي ممكن جدا لانو الرزق والمكتوب من الله
هذا موضوع نفسي قبل ما يكون مادي
ربما هي ما تفكرش ابدا في المادة لي راهي عندها.. شبعانه
ربما هي تفكر تستقر فقط تحت كنف زوج صالح
واحد لا يستبق الامور
ماكانش مشكل اخي لانو الزواج ما يتمش غير بالمادة
مش رح تتزوج دراهمها رح تتزوجها هي كشخص
ورح تتعامل معاها كإنسان مش كـ مادة
ونحنا العباد تحكمنا العواطف والمشاعر
رح تتعامل معها كشعور اكثر من انها مادة
ربما هي اصلا ما تفكرش هذا التفكير المادي وانت راك حاط في بالك هذي الوساوس
بما انها قبلت بهذي السهولة معناها قبلت .. حرت لانها قبلت ؟؟
الناس يحيروا علاش ما يقبلوهمش يحسوا بالنقص يقول وش ناقصني حتى ما تقبلش
بصح مادام قبلت الحمدلله
مكانش شي يقلق فالموضوع
كيما قلتلك رح تتعامل معها كإنسان وروح وشعور قبل الجانب المادي
لذلك لازم تكون على علم باخلاقها
و صلي صلاة استخارة
ربما انتوما في زوز كاتبكم ربي لبعضاكم باش تهنيوا بعضاكم وترتاحوا لبعضاكم
ممكن هي اخيرا وصلها رزقها وانت اخيرا لقيت رزقك
خلي الجانب المادي هو اخر تفكيرك وحذار تبينلها يوما ما شعورك بالنقص في الفارق في المستوى المعيشي اذا قدر ربي وكملتوا حياتكم كيف كيف
لانو رح يولد اشياء لا داعي لها وتجي بيناتكم فوارق من العدم
مادام هي من الاول ما اهتمتش بهذا الجانب فـ طفي الضو واضرب النح ما تبقاش تلف وتدور على هذا الموضوع
فقط راك توسوست وتبع وش راها تقول لك الوالدة لانها هي الصحيحة
ولي يقول فيلم هندي وماعرف وش
واحد لا هو ملزم يحلل الحكاية ولا يكذبها ولا يصدقها .. نظن واحد لا هو مكلف يكذب غيرو
شفتوا مشكلة حابين تعاونوا عاونوا .. بصح باش تكذبوا صاحبها بلا ما تعلموا وبلا ما تشهدوا وتحضروا لالا
كل شي ممكن في الدنيا توقعوا اي حاجة
انتوما حاولوا تعاونوا بأي كلمه واللي يكذب او ربي هو لي يحاسبو ويجازيه ماشي حنا
وهو مسؤول على نفسو .. وما راحش يضرّنا اذا كذب ولا صدق
ربي يرزقك الزوجه الصالحة ويريحلك بالك ويكتبلك الخيره في امورك ويرضيك بما قسم لك