ابحثي عن اصل المشكلة بجدية يعني مفهمتيناش وش هو اللي صابرة عليه معليش انت اقعدي مع نفسك جلسة اختلي فيها مع روحك فقط واكتبي وش اللي مقلقك وكانك تكتبي في مسالة رياضية اجبدي الاشكال واقترحي الحلول
واجبدي وش صرالك وحاولي تعرفي الغلطة منك او من اللي حواليك
مثلا لقيتي روحك تطعنتي من قداش واحد كيما تقولي رتبي تلك الاحداث وبكل صراحة ياك مع نفسك اجبدي اخطائك الكل وتدكري انت اللي راك تحاسبي في روحك ونظن انك تعاودي في نفس الاخطاء الانسان يتطعن مرة زوج تلاتة ربعة مش كل دقيقة ويقول كيفاش شخص اداك كثر من مرة احدفيه من حياتك وشوفي هل ادا كان من الاقارب خلي علاقتك صطحية بيه وادا من الاغراب اقطعيه نهائيا لكن بلا متربحي العيب
ادا كان مشكلتك الزواج اولا عليك بالدعاء فقط يغير قدرك ثانيا ادا كان في حياتك شخص متقدمش ليك وقاعد في حياتك بلا لازمة اقطعيه منها لانه وبكل بساطة راه هو حجر العثرة واقفلك في الزواج لانه محرملك الحلال
ادا عندك صديقات خبيثات اقطعيهم هني راسك انا والله منسعى وحدة تهنيت منهم
اس المشاكل احنا نخلقوها بتدخلنا في ما لا يعنينا ادا كنت من النوع اللي يتدخل في امور غيروا ويعمر راسو بالتوافه سمحيلي رح تحولي حياتك جحيم دعي الخلق للخالق وركزي كيما قتلك
رضاية الوالدين رضي والديك ادا كنت مقصرة واحد ما يربح بلا رضاية والديه
كاين حوايج في الحياة لازم نتقبلوها ادا انت عندك حوايج كيما هك اتقبليهم وقصي عليك
ساعات حوايج يبانولنا ملاح وهوما كون يدخلوا حياتنا تولي جحيم والعكس صحيح غيري نظرتك وديما الاستخارة في كل الامور متعولي علىلا هدرة اي عبد حتا وتجي تشري حاجة استخيري لحد الساعة شخصيا منشور حتا عبد ديما نستخير ونخطو الخطوة والحمد لله
لوكان على الموةت كامل حابين نتهناو بصح الانتحار ماوش حل هادي هي الحياة الانسان ديما كي يصرالو ابتلاء يحاول يصلح من نفسه وادا غلط يستعرف ويستغفر يترفع عليه البلاء مشكلتك حلها مع ربي فقط