من بكري وحنا نسمعو الراجل عيبو جيبو
والراجل مايتعايبش.
والمشكلة أنك أنت اللي تنظر إلى نفسك بأنك قزم.
عرفنا ناس مع قصر قامتهم جاهدو
في سبيل الله.
وكانت عندهم مواقف بطولية ورجولية.
صحيح الشكل الخارجي للإنسان عندو دور.
لكنه ليس كل شيء.
الرجال مواقف ورجولة قبل كل شيء.
وإذا كنت ضعيف واحد مايقدر يقويك.
وإذا هدمت نفسك بنفسك واحد مارح يقوم بترميمك.
اللي تهدمو بيدك تبنيه بيدك.
واحد ما يجي يخرجك من الحالة اللي راك فيها سوى نفسك.
محاولة للخطبة باءت بالفشل وين راه المشكل.
كذا رجل تقدم لخطبة النساء ورفض.
لسبب أو لآخر.
يعني لازم أول وحدة تخطبها توافق عليك مباشرة بدون تفكير!!!!
ولو كان توافق عليك رايح تقول قبلتني شفقة فقط.
يعني مهما كان الرد كنت ماراكش رايح تقتنع.
صحح مفاهيمك
واقتنع بنفسك وارض عنها.
هذاك الوقت تقدر تقنع الناس بأنك سليم
وأنك رجل في مصاف الرجال.
ماشي تقعد تبكي في لمخدة كل ليلة.
الإنسان ليس جسد وقالب وديكور فقط.
الإنسان اسمى من هذا بكثير.
كاين اللي عاش مبتور الساقين
وكاين اللي عاش بأمراض مزمنة.
وبين ألم الإعاقة غرست روح الرجولة.
فلا تكن أضعف من أنثى.
وعش رجولتك كأي رجل
لأن الرجولة لاتقاس بالسنتمترات بل بالمواقف.