بخصوص مرت باباك خليها على ربي هو لغادي ينتقم منها انتي ماتحقديش عليها ديري في بالك بلي كاين بزاف كيما هي بصح احدري منها اما اخوك راني نشوفه حاقد عليها لانها خربتله حياته عنده ألحق مي الحقد ماشي مليح لانه يغير طبيعة الانسان
وهد العريس لراح اكيد ربي يعوضلك احسن منه واش نقلك باين الحياة في بيتكم لاتطاق خصوصا لما يقف ظلم في بيتكم غادي تتظلمي بزاف بصح باباك مدرش بواجبه الابوي تجهكم ديما يكدبكم علاش مايحوسش يفهم عاش كل هاد سنين ومايعرفش بلي كاين ناس منافقين مقراش سورة نفاق مقلتش يصدقكم مي على الاقل يشك ويعس مرته لختى يتبين صدق من الكدب وزيد وين كاين كي حبست مرت باباك خوك من المدرسة ووين كاين كي كلات درهمه ووين كاين كي درته خدام عليها ووين كاين كي تخدمك انتيا على اولادها وعليها هيياخي باباك هدا عنده عينين علاش ميشوفش بليانتي ديما تخدمي شغل دار وبنتها ديما جالسة علاه مينطقش ....مفهمتش الواحد يخاف من غضب ابوه كي يكون عنده اب . مرانيش نقصد ان اباك ماش مليح بصح باباك يبنلي ضعيف شخصية وميديرش واجبه اتجاهكم هو خاف من هدرت ناس برك سقسيه قةليلي خايف من هدرة ناس ولا خايف علينا اد قالك خايف مت هدرة ناس دي حقائبك واخرجي من دار اما اد قالك عليكم قعدي واسمحيله على واش درلكم لانه كيما حكيتي يبان خايف من هدرة ناس يعني خابف على روحه ومرته
وخوكباين بحبك ونعم الاخ . بلاك طريقة كيغاش تهدرو مع باباكن ماشي مليحة روحو عنده وهدرو معاه بالسياسة احكيله انتيا على هدا راجل نتاع انجلترا وحكيله بلي لوكان تقعدي ثمة غادي تخسري حباتك
وانا راني نشوف هي غادي تديرلك هكدا دايكا غادي اي واحد خطبك مليح غادي تردوه لبنتها وهادي نتاع يخطبوك من خوالك مكنش منهانتي عندك باباك مراهش ميت املا واش نقولك كاين ربي وغادي يجي وقت غادي تخلص هد المر. وبنتها كل فعالهم ونصيحة مني مدي لباباك فرصة اخرى باش يتعدل قوليليلو على واش شايفة فيه قوليلو بلي هو ميهتمش ييكم وميسقسيش عليكم اهدري معاه بصراحة بينيله بلي هو مقيمش بيكم لانه بلاك محسش بالغلط. نتاعه ولا مشفش روحه غلطان وكي تخلص من هدرتك شوفي رده فعله اد ولا يعاملكم مليح اقعدي ماتخرجيش واسمحيله على كلش هدا باباك وحاولي تكسبيه وادا زعف عليك ونكر كلش ومزاله. بعادته القديمة ومرته لتحكم وهو كي رجل كرسي هنا نقولك خرجي وروحي مع خك وشوفي حياتك وفكري في روحك قبل ماتخسري حيىتك ومتخمميش تقولي ندير زكارة لمرت بابا ومنخليلهاش دار وحدها متفكريش هكدا شوفي راحتك نفسية وين لانه هكدا راكي تديري زكارة لروحك ماشي لمرت باباك وربي يوفقك