سبحان الله وبحمده !!!!!!!!!!!!!
حبيت تجيب إمرأة ثانية وتجبرها أنها توافق عليها !!!!!!!!!!!!!
وتطلب منها بالسيف تقبلها !!!!!!!!!!!!!!!!!!!
وتطلب منها بالسيف أنها ترضى
إذا كانت الثانية اللي رايح تجيبها موافقة على الأولى هذا الشي شغلها
لأن الثانية عندها حساباتها الخاصة
أما الزوجة الأولى يا حليلها
أنت ماقلتلهاش رايح نجيب سيارة
ولا قلتلها رايح نجيب أثاث للبيت
ولا رايح تجيب حيوان تربيه
أنت رايح تجيب كائن فيه روح يمشي ويتكلم ويسعى
وهذا الكائن إسمه إمرأة
رايح يكون عندها تأثير عليك
وتأثير على أولادك وتأثير على حياتك وعلى حياة زوجتك
نروحو لنقطة ثانية
أنك وفرت السكن لزوجتك ومعيشة هذا بلامزيتك لأنه من صميم واجباتك الزوجية
ما خص تتزوج وتتحمل مسؤولية إمرأة وأولاد وتزيد تضيعهم !!!!!!!!!!!!!!!!
أنانية في طرح قضيتك لأبعد الحدود
نعم لم يعد أمامي الى الطلاق فانا لا اريد أن أقع في الحرام وعلاقات مشبوهة (هذا كلامك)
يا إما توافقلي زوجتي على الزواج أو أطلقها
يا إما ألبي شهواتي حلالا أو أفعلها حراما !!!!!!!!!!!!!!!!
راك راجل وبابات أولاد ماشي بهذ الطريقة تسير أمور بيتك
أنت راع ومسؤول عن رعيتك
مسؤول توفر لأولادك الطمأنينة والسكينة
مايكفيش توفر المأكل والملبس
العلاقات الإنسانية والتربوية أهم من شهواتك.
ركزت تفكيرك على شهواتك وحبيت تلقى القبول ن من الزوجة وأهلها
معتمدا على أنه حق شرعي من الله
مع أن نفس الحق الشرعي اللي حللك الزواج يحذرك من الطلاق وتشتيت الأسرة
واضح جدا أنك مستعد للزج بأسرتك للهاوية من أجل شهواتك
المهم
تقدر طلقها وتتزوج من الثانية
النساء بزاف
والأولاد ولا ضاعو راك رايح تجيب غيرهم مافيها والو
والثانية جيب عليها الثالثة والرابعة كل هذا من حقك.
وتقدر طلقهم في ربعة على خطرة
وتجيب الخامسة وش اللي يمنع
المهم شهواتك وخلاص
والمهم ماطيحش في لحرام وخلاص.