[*أم سجى*]

شكرا اختي على هذالموضوع.....أنا في نظري المرأة في حياتها الزوجية عندها 2مسالك تسلكهم وهذو الزوج مسالك يخرجوها بنتيجتين :المسلك الاول هو أنو الكنة تسمح من حقوقها وتسبق سعادة الاخرين على سعادتها وتكرس حياتها باش تسعدهم ويرضاو عليها ويشكروها ويحبوها .فهي تضحي بصحتها وراحتها من اجلهم.وهذالمسلك يخرجها بنتيجة أنهم ربما يحبوها في قلوبهم وماعندهمش احقاد اتجاهها لكن قيمتها مفقودةعندهم ولا واحد يقيمها ولا يكبر بها يعني هذالكنة راح تفقدقيمتها ومكانتها بالبيت تولي تبان في نظرهم قليلة شأن....... والمسلك الثاني لي تنتهجو الكنة أنها تكون حافظة لحقوقها وغايتها الوحيدة سعادتها مع زوجها وأنها تراعي باش تحفظ حقوقها مليح ومايهمهاش اذا الاخرين حبوها ولا كرهوها شعارها في نفسها هو نعيش حياتي وهوما يحبوني ولا يخبطو ريسانهم علحيط...والنتيجة لي تخرج بها هذالمراة انو أهل زوجها يكرهوها ويبغضوها في قلوبهم وعندهم أضغان اتجاهها لكن قيمتها وكرامتها محفوظة عندهم واحد مايأذيها ولا يقلل من شأنها ويهابوها .......وخلاصة القول صدق من قال خير الامور اوسطها ملازمش المراة تكون دمية رخيسة بين يدين العرب وملازمش تكون يهودية صامة كي الحجرة ماترحمش وماتتنجرش الواحد يكون شوي شوي ويخدم لوجه الله وما يسمعش لكلام الاخرين لانو ارضاء الناس غاية لاتدرك