انا نشوف انو الفتاة هاذي كانت ومازالت مدللة والديها، والشي الي راهي تمر بيه يمرو بيه اغلب الفتيات في سنّها، البنت هاذي صريحة والي على قلبها على لسانها بدليل أنها قالت انو لو كان يوافقولها والديها لو كان راهي تعرفت قبل الزواج.، هذا يدل أنو ماعندهاش تجارب في الحياة وماعندهاش اختلاط واسع مع الناس.
نحن نعرف ان الغالب من الناس يحب يبين للطرف الثاني انو هو الاول في حياته وانو ماعندوش علاقات سابقة ولو كان العكس هو الصحيح.
مسألة انو توقفت عن الدراسة في الرابع متوسط، لا تعني بتاتا انو كانت سمعتها سيئة لخاتش نعرفو كثير من الاولاد او البنات الي يكونو وحيدي اهلهم ومرفهين بالخصوص ما يكونش عندهم ميل كبير للدراسة يعني ما يهتموش بالقراية وكثير منهم يبطلو القراية في سن صغيرة.
مسألة انو تتردد في الخطبة مرة تحب تبطل ومرة
تحب تكمل هاذيك حالة نفسية احيانا تمر بيها الفتاة يكون سببها الخوف من الزواج والمسؤولية المترتبة عليه.