[جزائرية السراب]

يا ختي انا عايشة مع بيت شيخي واعتبرتهم اهلي ودرت روحي هوما ناسي هذيك داري وخدمتهم وبلا مزيتي وبلا تعب وانا فرحانة وخدمتي نكملها على اكمل وجه وخدمة متقونة الحمد لله بشهادة الجميع بصح يا ختي مع لوقت اكتشفت نيتها السيئة اتجاهي كنت حاسة بصح مادرتش عليها حتان طاحت بيا وشفت المعاملة نتاعها كيفا تبدلت معايا كي شغل اناا كلبة وطيتها ماتحوش عليا لا شافتني لا والو كاس ما ما جيبوليش هذا مرض ربي والانسان مبتلي بصح هي جامي مرضت ووقفت معايا لاشتى على وجه ربي ثم وجه زوجي لي هو بنها ولا على الاقل على وجه الملاحة والاحترام لي عطيتولها ودرتها في مقام امي ونهار رفدت الحمل ما شتاتني نرفد كون صابتني عاقر وخرجت عليا الهدرة بلي درت قرون كي حملت ووووووووو حسبي الله ونعم الوكيل فيها المليحة لي درتها معاها بالنية الصافية تخرج فيها طول وعرض ولوكان نبدى نحكي راني ما نحبس انا عن نفسي درت كل ما في وسعي باش يرضاو بصح هوما نكارين الخير وحاليا راني على باب الطلاق من سبتها هي