و عليك السلام
نعم كاين الملايين لي كانت عندهم عادة سيئة و بدولوها و عندي الكثير من الامثلة كان واحد يقرى معانا عمري ما شفتو قعد على الاقل في الطاولة الثالثة ديما في الاخير و الضحك و اللعب لا علاقة بسيف ما نجح عام الباك طاح في قسم اخر كي لمتنا الاستاذة مع القسم تاعو للمراجعة قعدت حايرة الله يبارك تبدل 180 درجة يشارك و يحل في الصبورة حوايج المتفوقين و يحصلوا فيهم حتى ستيل اللبسة تبدل و كاين ناس كانوا من الحباس ما يخرجوش و تابوا ولوا قمة التربية يقلك العادة السيئة قادر تتخلص منها في واحد و عشرين يوم و تكتسب عادة مليحة في نفس المدة و كتب التنمية البشرية روعة خاصة لابراهيم الفقي و لي قلك حنا ما فيناش الفايدة قلوا يدبر على روحو مادامك خلقك ربي عندك فايدة و احسن حل باش تولي انسان افضل هو التوبة ننصحك تدخل في حلقات لتحفيظ القران و صلي صلواتك في المسجد تبع الشيوخ المعروفين عندك تبع الغير موثوق فيهم تبع الشعراوي و راتب النابلسي و مشاري الخراز اقرى كتب لمحمد الغزالي مثلا كتاب خلق المسلم نقلك من الاخير تبع الدين و التزم بالتعاليم تاعو درك تولي ما شاء الله ربي يصلح حالك و اكثر من الدعاء و قيام الليل