[x ام رحاب x]

المشاركة الأصلية كتبت بواسطة حياة نور الدين

السلام عليكن
واش راكم خياتي كل واحدة باسمها

ام هدول، زقزوقة، ام فاطمة، ام عبد الله، سعيدة ، وردة،سحابة ، ام يوسف اطباقكم روعة ربي يدومها نعمة ان شاء الله

يحابة على سلامتك حنونة

فاطمة شكرااا لدخولك طمنتينا حبيبتي وربي يرحم فقيدكم يا رب
اللي نسيتها تسمحلي

عشايا كان ارز بالصوص وشمبنيون وبراق عينه وسلطة والحمد لله

المشاركة الأصلية كتبت بواسطة ام سوهيل

تفضلي اختي الباروك قاطو درتها الولدي في عيد ميلادها

المشاركة الأصلية كتبت بواسطة ام سوهيل

وهادي طمينة تاع الم وليد

المشاركة الأصلية كتبت بواسطة وردة الرمال43

سلام واش احوالكم ان شاء الله تكونو بخير
ام هدول رانا بخير وسيمو شوي صدرو تخرخش بصح الحمد لله وراه خرج سنينة
ام فاطمة ام هدول ة حيوتة سعيدة جنة ام عبد الله ام يوسف يعطيكم الصحة على طيابكم يشهييييي
عشانا اليوم كان شخشوخة باللفت والورق تاعو وزيت عرب اكلة تقليدية رايييعة وراني رايحة نزيد ناكلها درك جعت ههههه وغدوة معولة نصوم وانا مانسحرش تفضلو

المشاركة الأصلية كتبت بواسطة ام هدول

صبحت مع كيكه الشبلوغ لامينه غفران ..ماكانتش عندي الفرينه بزااف ..... اتفضلومعيا....
غدايا بواقي....يون موفق للجميع
حقه ورده نموت على الشخشوخه باللفت وزيت الزيتون...خساره ..هنا ماكانش اللفت لي بالاوراق تاعو...بصح كي نروح لقسنطينه ..نطلبهامن يما ....لانك فكرتيني كانت تحطهانا في قصعه تع العود...ياي ماتتشبعش... سلااام

المشاركة الأصلية كتبت بواسطة محتاجة لعفو الله

السلام عليكم و رحمة الله و بركاته
أصبحنا و اصبح الملك لله رب العالمين لبنات كيفاه صبحتو يارب تكونوا بألف صحة و هنا


عشايا البارح بواقي لفطور و زدت عليهم دوااااارة((الكرشة))

مالقيت مانقول غير الله ايبارك على فحلات بلادي وهادي لكل وحدة حطت طيابها تسلم الايادي وربي ينزل البركة ويفتح عليكم