السلام عليكم اخواتي الغاليات اليوم حضرت كيكة الجزر ودكوريتها بي الشكولة السوداء والبيضاء اتمنى تعجبكم بسم الله تفضلو المقدير 4 بيض كاس ونص جزر مبشور انا بشرت 3حبات متوسطين كاس زيت كاس سكر 2 كسان فرينة 2خمارة 2 لفني او مغرفة لفني سائل رشة ملح الطريقة خلطي كل المقدير مع بعض وفرغيهم في مول مدهون ومرشوش بي الفرينة ودخليهم الفرن 160 حتى تحمار هنا الدكور كما تحبي تقدري تطليلها المعجون وترشيها بنوادكوكو او تخدمها كما انا طليتلها الشكولة سوداء والشكولة بيضاء وضعت بها خطوط وبي السكين زوقيها كالملفاي اتمنى تجربوها . . .