السلام عليكم جبتلكم اليوم طريقتي في تحضير البروكلي او الشفلور طبعا مكانش لي متعرفش تتطبخ الشفلور لاكن كل وحدة وطريقتها تفضلو اولا خدي الشفلور ضعيه يفور في الكسكاس على القدر انا منصلقهش باش ميتعمرش بي الماء لازم يفور باش يجي ناشف وحاكم راسه الان نخدمو لصوص باش نرمدو فيها خدي 2بيضات على حسب كميت الشفلور تقدري تزدي البيض قليل من الملح التوم. المعدنوس الفلفل الاسود نص مغرفة صغيرة خمارة القطو نضفولها الفرينة ونخلطو مليح حتى ترجع خاترا عينك ميزانك من جهة اخرى ضعي الزيت تسخن غمس الشفلور في لصوص ومباشرتا في الزيت تتقلى تقدري تقدميه مع المرق مسقي او تحطيه مع الفريت يجي مقرمش وبنين اتمنى تجربوه شهية طيبة