السلام عليكم تحتاجي مقبلة سريعة او ساندويش لخرجة او عشاء خفيف جربي هاذ الوصفة لكروك موسيو بالتونة وان شاء الله رايحة تعجبك المقادير ل4 اشخاص 8 شرائح من خبز اللب pain de mie علبة صغيرة تونة بالزيت 4شرائح جبن ساندويشات او قطعة جبن ابيض انا ماكانش عندي جبن ساندويشات استعملت جبن عادي كمشة جبن مبشور ملعقة كبيرة زبدة+ملعقة فرينة+ كاس حليب+ملح+فلفل اسود+ ثوم بودرة للبيشاميل التحضير اولا نحضر البيشاميل نحط الزبدة على نار خفيفة حتى تذوب ثم نضيف الفرينة ونخلط ننزع الخليط من النار ونضيف الحليب تدريجيا مع الخلط المستمر ثم نعاود نرجع الكل على نار متوسطة ونخلط حتى تخثار نطفي ونزيد ملح فلفل اسود وقليل من الثوم بودرة ونخلي تبرد لما تبرد البيشاميل نحضر الكروك كالتالي نستف شرائح الخبز نوزع على كل شريحة كمية من البيشاميل نضيف الجبن نوزع في الاخير كمية من التونة على 4شرائح فقط نغطي كل قطعة بالتونة بقطعة اخرى مافيهاش التونة ونضغط ضغطة خفيفة ثم نحط قليل من الجبن المبشور من فوق ندخلها للفرن 10دقائق باش يذوب الفرماج وتتداخل المكونات ويصبح الخبز مقرمش ثم نقدمها وبصحتكم