[ملكة القمر]

المشاركة الأصلية كتبت بواسطة الريانة الطموحة

السّلآم عليكم ،،
اخوتي في بالي وحد التّساؤلات كون تديروا مزية تجاوبوني وتفيدوني باش نحسم امري ،،
لأنها مأرقتلي تفكيري وحبيت نستشيركم
اوّل حاجه اني نخمم كيفاش ننظم المكتب لي نقرا فيه باذن الله ~
وش نحط فيه وش مانحطش
الحوايج تاع المواد الاساسيه ولا الورق لي نطبعهم ولا الكتب ولا ولا ولا .....
حبيتو يكون منظم لأنو النظام والترتيب رح يأثر بدرجه اولى على نفسيتي
خممت خممت ولكن ما لقيتش حاجه تناسبني
كل فكره نفكّر فيها نلقى روحي ما وصلتش للترتيب لي اني حاباتو
اقتراحاتكم من فضلكم
،،
ثـاني حاجه بعد تفكير قررت بشأن المراجع وقررت ننقص على روحي على قد ما نقدر وما نكثرش
شوفوا المراجع لي رح نعتمد عليها و اشيروا عليّ وعطيوني رايكم
رياضيات : الكتاب المدرسي ، المُغني ، الجديد ، سلاسل الاستاذ مصطفاي ، فيديوهات الاستاذ نور الدين ، البكالوريات ، والبكالوريات الاجنبية
فيزياء : المُغني ، موقع الاستاذ فارس فرقاني ، كتاب الاستاذ قزوري ، المُراجعه النهائيه ، البكالوريات ، البكالوريات الاجنبيه *ياخي بزايد عليا ؟؟* قصدي بزايد على الفيزياء ؟
الادب : ممكن الموجه في تحليل النصوص الادبية ، البكالوريات
الفرنسيه : مواضيع البكالوريا ومواضيع اخرى
الانجليزية : المراجعه النهائيه ، البكالوريات
العلوم :الكتاب المدرسي ، حقيبة الاستاذ ابو الريش ، اعمال الاستاذ عقريب كمال ، البكالوريات
الاجتماعيات -ركزولي على وش حانقول- : الدروس نحفظهم من الوجيز لهشام كمال ، والمصطلحات والشخصيات والتواريخ والخرائط كامل من كتاب محمودي عادل ، البكالوريات
الشريعه : مُلخصات الاستاذ جمال مُرسلي ، الكراس ، البكالوريات
والفلسفه : مقالات الاستاذ شهاب اذا عطاهملي ان شاء الله ، و بلاك الانيس ، والكتاب المدرسي

،،
امم واش آخر
كاين واحد الفكرة حاطتها في راسي وقولولي اذا صائبه ولالا
شوفوا انا صحيح رح تاخذ المواد الاساسيه حصة الاسد من وقتي وهذا شي طبيعي ومعقول
ولكني حاطه في راسي بلي لا فرق بين مادة واخرى
والمعنى؟ اني نتعامل مع كل مادة وكأنها المادة الوحيدة وكانها الاساسية ونعطيها كامل اهتمامي
والسّبب اني شايفه هذا التفكير هو الطريق الى الامتياز ، رايكم رايكم محتاجتو

،
اصبروا نزيد نخمم كشما جا في بالي اممم
~
مازلت قيد تعديل البرنامج اللي رح نتبعو باذن الله ،، ولكن ما نظنش لاكان نقدر نكملو الا بعد ما يوافيونا بالتوقيت الزمني تاع الدراسة يعني مع الدخول
هذا وش جا في بالي

بانتظاركم وبانتظار ارائكم واقتراحاتكم خصوصا اصحاب باك 2017
شكرا

تخمامك راااىع لأنك عارفة انو الفوضى تفيدها عليك الجانب النفسي مهم و احسنت في الطرح حقا
المكتب
انتي راح تبغي برنامج مثلا اليوم عندك فيزياء فرعي المكتب تاعك من كلشي و حطي فوقه كل شيء خاص بالفيزياء مراااجع كراريس ووو
حطيهم فوق بعضهم في الزاوية تاع المكتب و امامك حطي المقلمة و كلو في نطام و جنبك كراس المحاولات و كراس اللي قتلك عليه تاع الأفكار ضروووري جنبك
من بعد ابداي من كتب الزاوية بالكتاب الأول و الراي منو واش حابة اي حاجة مافهمتيخاش كائن كراس المحاولات قدامك و اي حاجة جديدة تحسيي فيها تميزك على الباقي اكتبها في كراس الملاحظات و هكذا تتخلصي تاع الزاوية الكل
و تكون مراااجع قمة في الروعة
انا هما مدير دايمااا و نكون مرتاحة جدا بالإضافة كي تخلص نحس روحي قريت تاع الصح
هاذي طريقتي انتي جربي بالاك تساعدك
(مادام ساعدتني تساعد مماكبتي)



بخصوص المراااجع الجميع يحدد الكثير قبل بداية العام لكن في العام تتغير المخططات راح اكتشفي اشياء جديدة بزااااف بنفسك و تغيير الكثير
الاجتماعيات راكي غلطانة
نتي تحفظي كل شيء من محمودي عادل الازرق لأنه أسلوبه مشوق للغاية و احسن بكثييير من الوجيز اون بليس محمودي طبعة جديدة و كتبته واضحة و مفهومة و كبيرة احسن من الوجيز يلي كي تشوفيه يجيك الاكتئاب هههه
انا كنت نحفظ كل شيء من محمودي عادل و مبعد نروح الوجيز نشوف اي عناصر جديدة فيه تزيدها في محمودي عادل و هكذا
الوجيز غني بالخرائط لا تهمليها و اسالي استاذك قبل اسكو مقررة عليكم ولا لالا بسكو مختلطة مع تاع الادبيين
اذا كنت حابة تدي علامة ممتازة في الاجتماعيات شوفي منهجية الإجابة تاع سنوسي راني حطيتها في موضوعي رااااىعة
و الفلسفة زيدي كتاب الزاد احسنهم على الاطلاق


تفكيرك سليم و منطقي لكن لا تنسي عامل الوقت و الضرورة احكاااام
كما أن المواد الأدبية لا تحتاج لغناء العلمية يعني قعدة بأهمية وانتي قضيتي عليها

و اخيييررااا انهيت الكتابة
اسفة على الإطالة
دمت