[المشتاق لجنة النعيم]

أولا انساي العربية .
ثانيا ما تخافيش الأساتذة طبعا مش راح يهدرو معاكم ديراكت بالفرنسية ذرك يبداوها وحدة وحدة خاطر علابالهم النيفو تاع الطلبة الجدد ناقص فالفرنسية خاصة المناطق الداخلية فالوطن .
ثالثا : اللغة الفرنسية لي تقراي بيها فال st موش كيما الأدبيين درك تلقايها حلوة و سهلة جدا ( عن تجربة ) على خاطر ماشي راح يقولك النحو و الصرف أو ما شابه ذلك .
رابعا : نصيحة ليك ال st شعبة رائعة و ليست صعبة و سهلة في نفس الوقت ( تقراي تلقاي ) .
خامسا : عليك حضور الكور دائما لأن الدروس مرتبطة ببعظاها و يكذب عليك لي قوك تقدري تفوتي الكور .
سادسا : إذا أردت المراجعة في هذه العطلة راجعي الإشتقاق و التكاملات فالرياضيات لأنك تخدمي بيها بزاف فالفيزياء و الرياضيات كذلك و حتى الكيمياء ( المواد الثلاثة الأساسية ) .
سابعا: حاولي قدر المستطاع تجيبي أعلى معدل فالسداسي الأول لأنو ساهل بزاف مقارنة بالسداسي الثاني ( يجبد الما هههه) هكذا أضمنلك و حذاري الوقوع فالراطراباج لأنو يؤثر في المستقبل في ترتيب الطلبة للحصول على الماستر إن شاء الله .
كذلك عليك المشاركة فالقسم في حل التمارين و لو كانت تافهة لأن هناك أساتذة و لو ديتي 0 فالكونترول يعاونوك لأنك تتعبي فالقسم .
أخيرا : أصعب عام في ال st هو العام الأول ( بسبب كثرة المواد لا أكثر يعني تقراي تنجحي ) كي تنجحي فيه و تختاري الإختصاص لي ترغبي بيه تقل الدروس و تصبح أسهل .

ربي يوفق .