يا اخي اسمع مني التالي
انت حالتك حالة لا خدمة لا دار مازالك تقرى و تخمم في الخطبة و الزواج الله يهديك
لكان تحب صح البنت هذي خليها في حالها و ما تربطها بحالتك و الفشل لي انت فيه
ممكن يجيها ما خير منك و تسعد بحياتها علاش تظلمها بفشلك و سمحلي على العبارة
و زيد شحال الخطبة هذي اقصد المدة باين راح تطول باه تكمل قرايتك و تلقى عمل و تلقى بيت ...يااااااااااااحسرا
و البنت هذي تبقى تسنى فيك ام ماذا
و لا استبعد اخي ان اهل البنت يرفضوك لانك غير مستعد فعلا
اخي خليك منها خذ نصيحتي و هذي نزوة و اعجاب لا اكثر كامل مرت علينا الحالة هذي
فكر في مستقبلك كون نفسك و منا لوقت هذاك لكان البنت هذي ما تخطبت و تزوجت تقدم و راسك مرفوع اخي
خلي هذه الرغبة تكون دافع ليك باه تكون روحك و اذا ما كتبش ربي في هذي صدقني النساء راهم كاينين و حدة تنسيك في الاخرى
توكل على ربي و خليك راجل في مواقفك
سلام