[محتاجة لعفو الله]

اختي ننصحك بالعرايش تاع العجينة السحرية لأم أماني فعلا رووووعة و يدوب في الفم و حتى الطلية ديالها تبقى طرية لمدة طويلة و حاجة بالشان و الطبع

رابط العجينة السحرية https://www.djelfa.info/vb/showthread.php?t=1198301

رابط الطلية https://www.djelfa.info/vb/showthread...C7%E3%C7%E4%ED


و الحشو ننصحك بالحشو تاع الأخت كاكينوفا اللي ذكراتو الهام في التطبيق ديالها للتشاراك المطلي راني جربتو أكثر من مرة و مستحيل نبدلو صدقيني كلمة رووووعة قليلة عليه يجي بزاف طري و يبقى على حالو مدة طويلة

4 كيلات مكسرات+كيلة سكر عادي+مغرفة كبيرة زبدة+زاست تاع القارص+شوية ماء الزهر و تلمي بالبيض و حطيه في كيس غذائي و خليه يرتاح باه يشرب السكر ديالو هو من الأحسن ليلة كاملة بصح انا كي ميكونش عندي الوقت نعجنو مليح بيدي باه السكر يدوب و نخليه يرتاح ساعة أو ساعتين و نخدم بيه

و هادا رابط موضوع الأخت الهام ممكن تستفادي منو اللي حطت فيه الحشو اللي قلتلك عليه و استعملت العجينة السحرية لأم أماني فقط هي عملت تشارك مطلي و انت عمليهم عرايش و راهي حطت الكيلة تاع 95 حبة
https://www.djelfa.info/vb/showthread.php?t=1411561


نتمنى اني نكون أفدتك بالتوفيق لك