ديري جهدك تنحي على روحك هذ الاتهام الشنيع.
اتهام الخيانة رح تكون عنده تداعياته على حياتك المستقبلية.
ماكاين حتى واحد يقبل يرتبط بوحدة يالوكان نسبة شك تاع ظ،%
فمابالك ان الطلاق سببه الخيانة على حد قوله.
ماتقبليش وماتوافقيش على هذ المهزلة.
فالحق خاوتك يعكولوا طريحة.
العرض ماشي لعب اللي جا يجبدو يتمسخر بيه.
غدوة أي تصرف عادي جدا رايحة تكوني تحت الشك.
حتى خاوتك اللي معاك في الدار ينزغهم السيطان تجاهك.
رح تولي حياتك جحيم إلا أن يلطف الله بك.
وكلي محامي بشوف لك هذ القضية.
ونظن راكي ماشلء الله موظفة بالتالي الأمر المادي سهل.
يا أختي أنا نركزلك على الدفاع على عرضك
أما الزواج فالرجال كثير والرزاق لاينسى عباده.
نتمنالك التوفيق
رب يأجرك في المصيبة ويخلفلك بخير منها.
هذا الرجل من الأول ماشي صالح انت مااكتشفتيش خداعه فقط.
لو كان جا كيما كتبت عليه فالاول وقلتي راجل فحل.
والله مايتهمك بهذ الطريقة البشعة والرخيصة.
على الاقل كان يحفظ الخير اللي درتيه فيه.
لكنه إنسان نذل بعدما حل كل مشاكله المادية طعنك في شرفك.
لا حول ولا قوة الا بالله