[rowaida18]

تجميد الدواجن

إضغط هنا لرؤية الصورة بحجمها الطبيعي.
بعدما تريشي و تفرغي و تشوطي الدواجن تاوعك و تنحيلهم الراس و الرجلين خليهم في الثلاجة من يوم الى يومين قبل ما تجمديهم ...اذا كنتي راح تجمدي الجاجة كاملة لفيها في ورق بلاستيكي ...و اذا كنتي راح تجمديها قطع حطيهم منفصلين في اكياس بلاستيكية ..بامكانك تتبليهم او تحشيهم و لكن مدة الحفظ في المجمدة تكون اقل قليلا .

مدة حفظ الدواجن في المجمدة ...سنة كاملة .

تجميد السمك

فقط السمك الطازج المصطاد حديثا يمكن تجميده ..بعدما تنقيه تفرغيه و تغسليه و تنشفيه مليح حتى من داخل ..نحيلو الراس و الحراشف و جمديه .....الاسماك اللي توزن اكثر من 2 كلغ قطعيها طراف و جمديها منفصلة و مبعد اجمعيها في اكياس تجميد محكمة الاغلاق ..

مدة الحفظ في المجمدة 3 اشهر .

العجائن ، الخبز ، الكعك


إضغط هنا لرؤية الصورة بحجمها الطبيعي.

_ يصلحو للتجميد جيدا ...حطيهم في اكياس بلاستيكية ....الفطائر Les tartes من الافضل تزينيهم اثناء التذويب او قبل الطبخ .

_ عجائن الحلويات الجاهزة للطبخ ..يمكن تجميدها بدون مشكل تحت كل اشكالها ....كتلة عجين او في القالب تاعها ( المول )...انتبهي فقط لكمية الخميرة دوبليها لانها راح تطلع بعد التذويب ...حاولي ما تديريش السكر للعجائن قبل ما تجمديهم ...جمدي العجينة وحدها و زينتها وحدها لانو الفاكية تاثر على نوع العجينة .

_ الخبز ، الكرواصون ، البريوش ، البسكويت ... تتجمد بشكل جيد جدا ...جمديهم دافيين و هم منفصلين في صينية و مبعد اجمعيهم في اكياس بلاستيكية ..الخبز الكبير قطعيه شرائح و جمديه بنفس الطريقة .

_الحلويات الجافة يمكن تجميدها بدون صعوبة ...جمدي الزينة اللي تضيفيها لاحقا للقاتو وحدها لكن انتبهي مدة الحفظ مش نفسها بين الحلوى و الغارنيتور تاعها .

_ الحلويات تاع الطبقات او الغولي المغلفة بالغلاصاج تاع السكر او بالشوكولا او بالكريمة ..الخ تتطلب بعض العناية بعضها لازم تتجمد منفصلة و مكشوفة و بعد التجميد تجمعيها في الاكياس .و تخزنيها .

_ ماتحطيش الخبز في المجمدة ساخن جدا لان الفرق في الحرارة يفسد الطلوع .

_ باش ديكونجلي الخبز بسرعة ..خليه في الثلاجة نصف ساعة ثم رجعيه للفرن عشر دقايق .

_ مدة الحفظ في المجمدة ...من شهر الى شهرين ( شهر واحد للباتيسري و العجين ) .


-------------------------------
-------------------------------

حفــظ اللحوم



إضغط هنا لرؤية الصورة بحجمها الطبيعي.

شحال الوقت اللي نقدرو نحتفظو باللحوم بلا ما تشكل خطر على صحتنا ....اليكم بعض نصائح الخبراء :

في الثلاجة :
_ خزني اللحم في الجزء الابرد من 0 الى 4 درجات .
_ ما تراكميش قطع اللحم فوق بعضها ..خليها تتنفس .
_ الوقت اللي تحطي اللحم في الثلاجة قبل ما تجمديه احترميه و ما تفوتيهش :
* البقري 6 ايام .
* العجل 4 ايام .
* الضان 5 ايام .
* الجاج يومين .

ليزابا و المرقاز حاولي قدر الامكان تجمديهم طازجين مباشرة بعد الذبح او الشراء .

الاعداد و التغليف :

كلما كانت اللحوم مدهنة كلما كانت مدة الحفظ اقل لانو الشحمة راح تطلق زنختها ....جمدي اللحوم الهزيلة و اللي ازلتي عنها الشحوم ..وجدي حصص تتناسب مع احتياجك لكل وجبة لانو مش بامكانك نعاودي تجمدي واش ذوبتي ..كما انو مجموعة قطع صغيرة تتجمد خير من قطعة واحدة كبيرة ..التغليف يجب ان يكون محكما مع التفريغ من الهواء .

قطع اللحم الكبيرةو الشرائح ك: Steaks, côtelettes, filets, escalopes : هذو جمدي القطع منفصلة و مبعد اجمعيهم في كيس تجميد بلاستيكي .

اللحم المخصص للحساء و الشربة بعد التقطيع الى قطع صغيرة جمديهم منفصلين في صينية ثم اجمعيهم في كيس بلاستيكي محكم الغلق و خزنيهم .

المصارن اللي تستعمليهم للنقانق حطيهم لمدة 1 دقيقة واحدة في الما المغلي ..جمديهم منفصلين و مبعد اجمعيهم في كيس بلاستيكي او علبة تجميد مع الغلق الجيد

الكبدة و الكلى و المخ يتجمدو مباشرة بعد الذبح ..شمخيهم ساعتين في الما البارد ..قطريهم ...قطعيهم ..جمديهم منفصلين في صينية ثم اجمعيهم في اكياس بلاستيكية مفرغة من الهواء و محكمة الغلق .

مدة الحفظ :

اللحوم اللي شريتيهم من عند الجزار ممكن يتجمدو مباشرة....اللحوم المذبوحة في المنزل حطيها في الثلاجة بضعة ايام قبل التجميد .....و لكن كل اللحوم بدون استثناء اذا ازلتي الشحوم تقدر تبقى في المجمدة لغاية سنة كاملة .

شروط التجميد :

_ ما تكونجليش بكميات كبيرة على مرة وحدة ، باش تحافظي على حالتهم الاصلية و قيمتهم الغذائية كلما كان التجميد اسرع .

_ قطعي اللحم لحصص صغيرة ..هكذا يسهل عليك تذويبهم .

_ استعملي للتجميد علب او اكياس بلاستيك مخصصة للتجميد ..كل العلب لازم تكون في اقصى حالات التنظيف .

_ الاكياس فرغيهم تماما من الهواء باش تتجنبي التفاعلات السمية اللي تغير نوعية المنتج .

ازالة الجليد :

القطع المعدة للحساء او الشربة تقدري تستعمليهم مباشرة في الطبخ ....او ديكونجليهم في الثلاجة 8 ساعات .

الكبدة و الكلى و القلب و المخ ايضا للاستعمال مباشرة ....

السكالوب و الفيلي و الستيك و الكوتليت خليهم في الثلاجة لثماني ساعات .




--------------------------------
كيفاش تذوبي الجليد من اللحم

التذويب البطيء للجليد من اللحم يضمن الحصول على نفس طعم اللحم الطازج الشرط انو يكون في الثلاجة تحت درجة حرارة اقل من 4 درجات مئوية ....و بالتاكيد مش خارج الثلاجة تحت حرارة الغرفة او قرب مصدر حرارة وين تتكاثر البكتيريا .

ضعي اللحم اللي راح تذوبيه في وعاء داخل الثلاجة و غطيه بورق بلاستيكي باش تتجنبي التلوث مع الاطعمة الاخرى .

اذا كنتي مستعجلة و تحبي تذوبي اللحم بسرعة كاينة ثلاث طرق و لكن لازم تعرفي انو اللحم راح ينتج سائل احمر و بالتالي يفرغ من عصيرو اللي يطبخ فيه ويتحول للملمس اللين ..و يصبح جاف و طعمو اقل جودة ...

اغسلي يديك جيدا قبل اثناء و بعد لمس اللحم ....نظفي كذلك كل الاسطح و الاواني اللي كانو على تماس مع اللحم المجمد .


ديكونجلي في الميكرووند

و لكن الطريقة ممكن ما تكونش ناجحة تماما ...الطعم ناقص و الطياب يكون في السطح فقط مش عميق .

ديكونجلي اللحم تحت الماء :

هذي هي الطريقة الاسرع ..حطي اللحم في صلادي و كبي الما البارد على كل القطع بحيث تتاكدي من غمرها جميعا ...الما لازم يبقى بارد باش تتجنبي البكتيريا

ديكونجلي اللحم بالطبخ

كي يكون اللحم مفروم او مقطع قطع صغيرة للشربة ديريه مباشرة يطيب و زيدي وقت الطياب احسبي ذوبان الجليد .

رغم ذلك للحصول على طعم افضل من الاحسن ما تستعمليش هذي الطرق الا في حال ماكانش عندك الوقت .

----------------------
----------------------

تجميد الليمون

فرااااشاااات بالنسبة لتجميد الليمون ...كاين اللي يجمد العصير تاعو في علبة الثلج و كاين اللي يجمد الزاست او ييبسو و كاين الطريقة الثالثة اللي ينصح بها طبيا و تستعمل حتى كعلاج مكمل في مكافحة السرطان عافانا الله و اياكم هي تجميد الليمونة كاملة ...بالنظر لخصائص الليمون كمضاد للتاكسد مثالي لمقاومة الخلايا الخبيثة و عندو القدرة على تقوية الدفاعات الطبيعية للجهاز المناعي ...

من المهم جدا معرفة انو معظم منافع الليمون تتركز في القشرة حيث تحتوي 10 اضعاف الفيتامينات اللي نلقاوها في العصير ...كينغليو القشرة تفقد 40% من خصائصها لذلك يفضل تجميدهاباش تحافظ على عناصرها

كما هو معروف الليمون مفيد في علاجات الزكام و الانفلونزا و يساعد على التنحيف و مقاومة الكولسترول ..

الافضل هو تجميد الليمونة كاملة ...يعني ما نقطعوهاش ...المثالي هو تناول 75 غرام يوميا من الليمون المجمد ..الليمونة بعد تجميدها كليا فقط نرابيوها و نضيفوها لاطعمتنا اليومية ...راح تكون منكهات طبيعية منعشة و غنية ....هذي بعض الامثلة لاستعمالات الليمون المجمد في الاطعمة ...

_ اضيفي 25 غ من الليمون المجمد المرحي الى ياورت طبيعي ..

_ اضيفي 25 غ من الليمون المجمد المرحي الى سلطة الغداء ..

_ تقدري تضيفي الليمون المجمد المرحي للتاي تاع العصر او للعصائر الطازجة اللي تتناولوها مساءا ...

_ الليمون المجمد المرحي يتوالم تماما مع سلطة الفواكه المعدة منزليا ..

راح تلاحظو بلي تجميد الليمون هو اللي يضمن الحصول على فوائد القشرة اللي عادة نرميوها .

-----------------------------------------------------------------


تجميد الفراولة




بالنسبة لتجميد الفراولة و السيريز و التوت و حب الملوك باش تزيني بيهم لي تاغت :

اغسلي الفاكية بالما البارد و حكيها و مبعد امسحيها مليح ....اذا كانو الحبات صغار رمديهم مباشرة في السكر و حطيهم في بلا في الكزنجيلاتور 24 ساعة و مبعد اجمعيهم في ساشي ...اذا كانو كبار بلونشيسيهم كيما قالتلك رويدا ثواني في الما المغلي و مبعد قطعيهم و حطيهم في الساشي و كبي عليهم السكر .

الطريقة الثانية ارحيهم و زيديلهم السكر و عصير الليمون ( كل كيلو فراولة ديريلو حبة قارس و 150 غ سكر ).

الطريقة الثالثة قطعيهم طراف و حطيهم في كسرولة يطيبو شوية على نار هادية ..ماطوليش ماطيبيهمش بزاف ...زيديلهم القرفة ولا لافاني زيديلهم السكر ماتخليش الحبات يتكسرو ...حطيهم يبردو ..
الكومبوت



هذي طريقة تجميد الفراولة ...و هذا رابط للطريقة اللي حطتها حبيبتنا كرونو جزاها الله خيرا

https://www.djelfa.info/vb/showthread...2052972&page=2

(الأخت أم شمسو)

---------------------------
----------------------------
تجميد الثوم..

يمكن تجميدا الثوم بعد ما تقشريه و احرصي ما تنزعيش الصرة تاعو لأني سمعت شاف في سميرة يقول أن النكهة مركزة في الصرة (مكان خروج الجذور و ليس الأوراق)



اذن بعد ما تقشريه أوضعيه في علب زجاجية و ما تخافيش ماهوش سائل باش يتكسر ثم ضعيه في المجمد يبقى سنة

أما إذا ميكسيتيه أوضعيه في مثل هذه المكعبات ثم فرغيها في علب من الأحسن زجاجية لأن الرائحة راح تكون قوية و تطغى على المجمد
و مدة التخزين 6 أشهر


إضغط هنا لرؤية الصورة بحجمها الطبيعي.


ماحبيتش ننقلكم الطرق الأخرى لأن مدة التخزين قليلة و فيها مرحلة أو زوج زايدين مع مدة تخزين قلية أسبوع أو 3 أشهر

اخترتلكم هذا المقطع

La durée de congélation de l'ail


La durée de congélation de l'ail varie en fonction des préparations choisies. L'ail entier se conserve généralement un an au congélateur. Quant à la mixture d'ail, on pourra la conserver 6 mois au congélateur. En ce qui concerne la purée d'ail cuit à la vapeur, elle se conserve 3 mois. Enfin, l'ail plongé dans un bocal contenant de l'huile sera consommé la semaine suivant la congélation.
En ce qui concerne la décongélation, il est recommandé de retirer l'ail du congélateur 10 minutes avant la consommation. Pour cela, on pourra détacher des gousses d'ail conservées en entier ou prélever des portions d'ail mixé ou réduit en purée pour la préparation de vos plats