اخواتي الفضليات حبيت نصرحلكم ان هدا العمل قمت بيه طلبا من انسانة تعرفت عليها ماخرا
فالاول رفضت لان الصدمة لي خديتها في وفات الغالي خلاتني مريضة وتعبانة
لكن بعد الحاح بديت اتحدا نفسي وقدرت نتغلب على احزاني
شريت مستلزمات العمل وسالت عن الاسعار من هنا وهناك
المهم بعد ما بديت العمل واستفسرت عن الاسعار طلبت من الاخت تحضرلي القماش وعلمتها في نفس الوقت بالسعر راحت المخلوقة وما بان لها اثر
ولولا غالياتي نور الاسلام وام فدوى وام اسرار ما كنت كملت الدرا لانهم كانو كل يوم يشجعوني لمواصلة العمل
المهم حبيت نقول حاجة انا لي زوج والحمد لله يخدم ويشقا لتوفير مصاريف البيت وما خلانيش محتاجة لاي شيء ربي يحفضو ويخليلو صحتو
لكن خممت فالنساء لي ما عندهاش لي يخدم عليها وتشقا باش توفر مصارفها ومصاريف عائلتها
العمل هدا متعب جدا واول مرة نحس معنات الاخوات لي يخدمو هدا الفن ويستررزقو منو وفي الاخير ما باخدوش حق تعبهم ربي يكون في عونهم
حبيت نقوللكم ان وليدي بسلامتو لما شافني تقلقت قالي نحطلك درا فالفيس بو ك ونبيعهولك ورغم اسرارو رفضت وخليت الدرا لبيتي والا جات لي تستهلو نهديهولها الا كتب ربي لان جميع اعمالي لي حطيتها فالمنتدى كانت عبارة عن هدايا نقدمها لاحبابي وهدي هي هوايتي وراح استمر في العمل بفضل الله تعالى
ان شاء الله تكونوا فهمتوني
تحياتي الحارة
سلااام
(ارجو من المشريفات عدم حدف هدا الرد وشكرا مسبقا)