اختي شمس ربي يوقفك على خير
لكن ارجوووووووووووووووووووووكم نحو من طبايعكم انو الحليب في الصباح ضروري
الضروري هو أكلة متوازنة في الصباح باش تشدي بيها حتى 12 و تفطرو
راهم مصانع الحليب دارو حملة اعلامية و حتى الوزارة الصحة تصدر هذه الاعلانات انه الحليب ضروري للانسان
الانسان كي يفوت 2 عام من عمرو يصبح الحليب مادة غذائية كيفها كيف اي مادة في الكرة الارضية
يعني ما تولفوش ولادكم بعد 2 عام انو لازم يشرب حليب صباح ولا يدي طريحة
اشربو شاي اخضر او تيزانة او نعناع او عصير طبيعي
خبز مطلوع او قمح او شعير
تمر
جبنة طبيعية
فاكهة
كسكس شعير بالحليب
حريرة او شربة خضر
المهم اكلة تشد بيها الجوع ماشي على العشرة تولي بالدوخة
الأكل في الصباح هو اهم وجبة في اليوم
و خاااااااااااااصة الأطفال لي يقراو في المدارس من بعد أمهاتهم يقولك وليدي ماراهش يقرا مليح
طبعا ما يقراش انتي تبعثيه معمر سكريات يتحرقو تم تم على 10 يجوع و من بعد ما يولي عندو طاقة يسمع الشيخ ما يجاوب ما يحفظ
ردو بالكم من هذه النقطة ارجوكم