[زبدة ذايبة]

احتمال كبير عطالك ربي بسطة في الجسم

وبنية جسمية قوية

شايف روحك طويل وخشين وممكن أطول من العادي

على هذا اللي تجيك هذ النزعة الإجرامية

وهذه النزعة سببها الكبر في النفس ، والعظمة اللي مايردها (في نظرك) حتى واحد

راك تشوف في روحك _أستغفر الله العظيم- على كل شيء قدير

ماعندكش في داخل نفسك ولو نسبة تاع 1% ممكن يكون كاين اللي يقدر عليك ويغلبك لو كان تتضارب معاه

على هذا راك زايد فيها

تطبيق ميداني عملي (حتى الشيوخ ماسلكوش)

وجانب نظري تخططلوا قبل مايحدث !!!!!!!!!

واش هذا ؟؟؟؟؟؟

ماراكش حيوان عايش في غابة واحد مايقدر يحبسك

ماكانش خير من نعمة العقل ،ونعمة النواضع

وإذا عطالك ربي هذ القوة وهذ القدرة ،لازم تستخدمها فيما ينفع في الدنيا والآخرة

وش حبيت تكون جبار في الأرض ؟؟؟؟؟؟؟

فرعون جديد ؟؟؟؟؟

تستضعف الناس وتهينهم وتتسلط عليهم ؟؟؟؟؟؟

قيس على نفسك بنفس الطريقة اللي راك تتخيل بيها دافع على نفسك وعلى عرضك ، الناس الثانية تفكر كيما تفكيرك

يعني أعراضنا رخيصة وأرواحنا رخيصة حتى يخرج من بيننا اللي يهدد حياتنا

فيك جبروت وطغيان لو كان ماتحبسهمش يقضوا عليك قبل مايقضوا على الناس

العقل زينة الرجال

ولا بقيت تطرطق وين جاك والله ماجيبها غير في روحك

تواضع لله ، وحط رجليك في الارض علاه راك طاير!!!!!!!!!!!

الناس اللي راك عايش معاهم في بلادك خاوتك فيهم اللي صغير ، وفيهم لكبير ، وفيهم اللي ماعندوش والدين يربوه ، وفيهم اللي يغلط

وفيهم اللي مايفهمش، وفيهم اللي مايقصدش ، وفيهم اللي عندو مشاكل هبلاتوا

ماتعذرش الناس !!!!!!!!!! اللي يغلط تنحيلوا الروح تاعوا ؟؟؟؟؟؟؟

وش وليت إله في الأرض !!!!!!!!!!!!!!!!!

قادر ربي يسلط عليك أضعف واحد يحط عند حدك

كاين اللي أقدر منك عليك

والمشكلة لكبيرة اللي تتفرع من عدوانيتك هي التخيلات تاع الإجرام وهذي هي السبب في هذا الغليان اللي عندك

وكل هذا من تصوير الشيطان يفسدلك تفكيرك ويجرك إلى مالايحمد عقباه

شكون يقبل تضربلوا باباه !!!!!!!!!!!!!

ولا راك عايش في دزاير وحدك؟؟؟؟؟

ماكاش اللي مايغلطش ، والناس متفاوتة في المفاهيم والعقليات . راح تضرب الشعب كامل باش تريح !!!!!!!!!!!

حكم عقلك ، وخليك من هذ الهلاوس والوساوس وأحلام اليقضة اللي ماعندها حتى معنى سوى دوافع شريرة

يقول صلى الله عليه وسلم "المسلم من سلم الناس من لسانه ويده "

قال صلوات ربي وسلامه عليه الناس ماحددش وش من ناس يقدروا يكونوا كفار. وين راك من هذا الحديث

ونزيدلك حديث آخر .

عن أبي هريرة أن رسول الله صلى الله عليه وسلم قال :"أتدرون ما المفلس قالوا المفلس فينا يا رسول الله من لا درهم له ولا متاع قال رسول الله صلى الله عليه وسلم المفلس من أمتي من يأتي يوم القيامة بصلاته وصيامه وزكاته ويأتي قد شتم هذا وقذف هذا وأكل مال هذا وسفك دم هذا وضرب


هذا فيقعد فيقتص هذا من حسناته وهذا من حسناته فإن فنيت حسناته قبل أن يقتص ما عليه من الخطايا أخذ من خطاياهم فطرح عليه ثم طرح في النار "

وين راك رايح ؟؟؟؟؟

عوض ماتستخدم الصحة والقوة اللي عطاهالك رب العالمين قاعد تحارب بيها في خاوتك اللي يغلط معاك تخرج لسانك تاكلوا بيه وكي تكمل منوا تخرج سكينك تذبحوا بيه !!!!!!!!!!!!!!!

هذا وش لقيت دير للمسلمين ؟؟؟؟؟


هذا ماجانا منك!!!!!!!!! غير التفكير في القتل!!!!!!!!!!


مكفاش المشاكل اللي راهي عايشتها الناس من قلة الشيء حتى يتخبالنا واحد في كل مرة يفكر يقتل إخوانوا !!!!!!!!!!!

لو كان جيت قصير وضعيف كنت ماتفكرش بهذ الطريقة لأنك تخاف

وعوض ماتشكر النعمة راك تستخدمها فيما لايرضي الله

على الأقل خاف على روحك من دعاء المسلمين العلماء والدعاة على المنابر في يوم الجمعة وفي الصلوات وفي كل وقت :" اللهم من أراد بالمسلمين سوءا فأشغله في نفسه واجعل تدميره تدبيره"

راك معني بهذا الدعاء. لأن إرادة الفساد فيك موجودة بالتالي يقيسك دعاء الصالحين.

خاف على روحك راك في خطر كبير. ربي مايوصلكش لمبتغاك ،المسلمين والمؤمنين ماراهمش رخاس عند ربي يقول صلى الله عليه وسلم : لزوال الدنيا أهون على الله عز وجل من سفك دم مسلم بغير حق. وفي رواية أخرى :

لهدم الكعبة حجراً حجرا أهون من قتل مسلم.

ياللي راك تفكر في قتل الناس !!!!!!!!!!!!!!!!

وش تتوقع بعد هذا . رح تصلح حياتك !!!!!! والله غير يخلاص عليك بطريقة سيئة جدا إذا تظن أن دعاء الصالحين غير مستجاب تكون غالط.

رح يصيبك دعائهم ويصيب أهلك وأولادك.

ماتقدرش تعرف وقتاش تجي الاستجابة ونوعية المصيبة اللي طيح عليك

خاف على روحك، والتهى بنفسك وبإصلاحها.

اللي يزرع الشوك يجني الجراح.