[walido2011]

السلام عليكم
البارح عملت كيكة البرتقال بصراحة سهلة بزاف و بنينة بزاف و تشبه كثير البسبوسة في القوام و الذوق المهم نشالله تجربوها.
عملت وصفة مكتوبة و وصفة بالفيديو على اليوتوب بجميع الخطوات يمكنكم رأيتها بالضغط هنا.





المقادير:
240غ مارغرين بحرارة الغرفة
240غ سكر ناعم
2 ملاعق كبار سكر
4 بيض
240غ فرينة
2 ملاعق صغار خميرة الحلويات
زست و عصير تع 4 برتقالات
جوز الهند للتزين

الطريقة:
نضرب المارغرين بالباتور حتى تولي كريمة، نضيف السكر ناعم بالتدريج، منبعد نضيف البيض حبة ب حبة، و نخلط ثم نضيف الفرينة و الخميرة، و في الأخير نضيف نصف كمية العصير و كمية الزست كلها و نخلط.
نحط الخليط في مول مدهون و مرشوش بالطحين، ندخله الفرن مسخن من قبل على 180° نتركه مدة 45 حتى 55د، المهم حتى تشوفو لونه اصبح ذهبي نحضر الشاربات بخلط كمية العصير المتبقية مع 2 ملاعق سكر و نحطهم على النار لمدة 6د، بعد ما يطيب نخليه يبرد مليح.
نخرج الكيكة من الفرن و هي سخونة نصب عليها الشاربات و نخليها تتشرب لمدة 5د و نزينها من فوق بجوز الهند .
نتمنى تجربوها لأنها فعلا بنينة بزاف و الى وصفة أخرى انشاءالله