السلام عليكم نهاركم منور بانوار النبي كيما تقول لحنينة ام رحاب ربي يشفي امها الغالية .... ان شاء الله فوتتو ويكناد مريح يا بنات ... انا تاعي كي العادة و لعوايد مليان اشغال شاقة و الحمد لله ... راجعت خفوفي و شفت قاطووات سندوسة الفحلولة عمرتي الصفحة حلو يا حلوة ربي يرزقك وليد لحلال ليستهالك حنونة
و شفت تطبيقات حبيبتي صفحة بيضاء ربي يحفظلك دوك اليدين لي يتلفو في حرير يا الغالية و الله كلشي من تحت ايديك روعة دون مجاملة
و شفت الكفتة بالحمص تع حيوتة حقا حياة البارح شبعتي دعاوي الخير من عندي لوكان لقيتك قدامي نشبعك مواحات و الله فرحتيني فرحة محصلتش ..... خخخخخ
ايه و شفت ثاني حسوة ام عبيدة ياي تمووت على هذوك الصوالح اختي حنا ثاني نديروها بصح نقطعو لعجينة مربعات و نرموها ديريكت في صوص نحطو فيها عدس مع اي نوع بقوليات مع بطاطا ... تجي روعة في البرد يعطيك الصحة ام عبيدة و حتى خبز الدار تاع ماماك ربي يحفظها يبان اممم بصحتكم ...حقا ربي يحفظلك باباك حنونتي يبعثلك كل يوم حليوات و بونبونات ...... خخخخخ
ام هدول الحلوة بصحتكم محبوبة الجماهير مع سلطة الجزر و الخبز اكيد لبنات فرحو بيها بصحتهم حبايب قلبي
بلا مننسى اطياب فاتي و اختها امم شهيتونا في الحوت اختي بصحتكم .... و كسكس الاخت ام اماني سلمت يداك ا
ام يوسف نعنوعة وردة نهاركن سعيد و صح فطوركم