[*سندوسة*]

المشاركة الأصلية كتبت بواسطة x ام رحاب x

كرم بالبيض الي اتحوس على الوصفة
اتحطي في طنيجرة طراف الجاج واتحطي الزيت واتخلي الجاج حتا يدي تحميرة مليحة وانت اتقلبي فيه امبعد حطيلو البصل مرحي وملح وفلفل اكحل وشوية قرفة وكركم وراص الحانوت واخليهم يتقلاو ومرقي غير شوية
قطعي الكرم ديالك ارقيق وغسليه مليح بالماء والخل وقطريه في هاداك الوقت نحي الجاج وارمي الكرم ماتغطيش الكرم بالماء مرقي غير شوية الكرم غير ايشم النار يذبال وايعود فيه بزاف المرقة وفي هادا الطبق مانسحقوش المرقة بزاف
يعني ديري الكرم ومايعودش المرقة مغطياتو لالا وديري الجاج وغلقي عليهم 15 دقيقة وعاودي حلي الطنيجرة تاعك وعاودي دخليه مليح في المرقة وخلي الجاج ايطيب
وكي ايطيب اتحبي تقلي بطاطا ودزيديها معاهم من الفوق ايكون الكرم من تحت والبطاطا من فوق ااهنا عندك الاختيار اتحبي اتخلي في الطنيجرة وديريلهم البض والمعدنوس واتخليهم يطيبو بصح المرقة اتكون قليلة بزاف او اترجعيها في سنيوة تاع الكوشة الطبقة الاولى كرم وبطاطا والجاج اتفتتيه وترمي البيض والمعدنوس ومغرفة موتارد وشوية ملح اتخلطيهم مع بعض واترمي من فوق واتغطي الطنيجرة واتخليها اطيب امبعد سقيها واجيك خفيفة هايلة وايلا درتيها في الكوشة ارميلها البض وشوية فورماج اجيك تحفة
ربي يخليكم دعوة في ضهر الغيب امي مريضة بزاف وراهي بصيروم ماتاكل ماوالو راهي في حالة والله ماحبيت انخليكم تستناو في خاطركم وربي يخليكم ان شاءالله

اهلا بالغالية ام رحاب نورتينا
شكرا على الوصفة بارك الله فيك
سلامتها حبيبتي ربي يشفيها ويخفف عنها ويلبسها ثوب الصحة والعافية
ربي يقومها بالسلامة لاباس عليها ان شاء الله
هذا واجبنا زنتي غالية علينا ربي يعينكم ويوفقكم

المشاركة الأصلية كتبت بواسطة x ام رحاب x

سندوسة سامحيني مرانيش نقدر ندخل الله غالب ادعولي الامي بالشفاء الله ايخليلكم كل عزيز
راني نسلمكم جميعا وربي يكثر من امثالكم وربي يخليكم لعايلاتكم ويحفكم من كل سوء سلالالالالالالالالالالالالالالالالالالالالالام

معذورة حبيبتي لا داعي لطلب السماح
ربي يحفظك ويخليك
ان شاء الله مايكون غير لخير ربي يرجعهالكم سالمة معافاة ان شاء الله
اللهم امين على دعواتك وكلامك طيب بالرغم من لي راكي فيه ومراكيش ناسيتنا ربي يفرحك دنيا واخرة