[فراشة الجلفة]

المشاركة الأصلية كتبت بواسطة البنفسجية

سؤالك تقدري تتأكدي منه ببحث صغير في الانترنت
google
تنقاي واش راكي تحوسي
لكن انتي الهدف تاعك من الموضوع
اللي يقولك اه عندك الحق واش راكي ديري معاه؟
مازال ما طلقتيش؟
راكي شاكة فيه و مازالك معاه؟
راه زوج غير صالح؟
هذا واش حابة تسمعي اللي يدفعك للطلاق
لانك مترددة و خايفة من النتائج خايفة تندمي
و الا لو فكرتي في الطلاق جديا ما تكتبيش موضوع هنا
و انتي تشوفي السلبيات تاع زوجك
روحتو للعمرة مع بعض
و اللي يروح للعمرة مع صاحبو و يخلي مرتو في الدار
و كما راه يروح للعمرة
ما شوفتيهاش راه حاب يتوب لكن مش قادر
راه يجاهد في نفسه
لكن مازالت نفسه غالباتو
و الراجل برك اللي يغلط؟ المرا مافيهاش سلبيات؟؟
تخلي الراجل يصبر عليها؟
و الله اللي يحاسب مش العبد

و انتي قولتي راكي في ابتلاء
و الابتلاء تهربي منه او تصبري عليه
مش قادرة للابتلاء؟ مش قادرة تصبري؟
لان الطلاق راكي هاربة من المشكل
مش تحلي في المشكل

و انتي تقولي شكون اللي تقبل تعيش هكذا
راهو عايشين هكذا و اكثر خصوصا اذا الزوج ساتر روحو
و اللي تعرف زوجها يخدع فيها و تقولك معليش المهم في السر و في اخر النهار راه يجي يروح ليا
و اللي يقمر و تقولك المهم قايم بالدار
و الي النهار كامل و هو برا يروح للدار عل 4 تاع الصباح و يخرج على 8
تقولك المهم عندي راجل
و اللي راجلها ما يقربهاش و صابرة و تقولك المهم قايم باولاده
و الي يجيب المخدرات و يقوللها بيعي معايا
و اللي يشرب الخمر قدامها
و اللي يخدم الخبر قدامها
و اللي يخدمها في امور خطيرة حتى يقضي هو مشاغله و اذا صرا ما صرا هو يمنع و تحصل فيها
و اللي اللي كاين امور نحشم نكتبهم المنتدى مختلط
و كاين ربي الحمد لله
زعمة غير انتي اللي راكي تعاني و صابرة
و مشكلتك مقارنة ببعض المشاكل راهي مشكلة بسيطة و عادية
شوفي اللي اكثر منك
واش معناها زوج صالح
و زوجك يظهر راه في ابتلاء حاب يخرج منه لكن ما نقاش اللي يقولو اعطيني يدك نعاونك تخرج
الله يوفق والله يجيب اللي فيه الخير
و القرار اللي وصلتيلو صلي الاستخارة
و الله ما فيه غير الخير
**************************
انتي كما تخدعتي غاضاتك روحك
راني فاهماتك مليح مليح مليح لاني انا ايضا تخدعت
لكن الخير و الله ما تعرفي وين راه
و الله كنت بنيتي معاه و معاهم
خدعتني امه الاولى من بعد هو
راه ظهري يوجعني من الضربة لليوم
ممكن الله حبك تكوني انتي السبب في توبته انتي اللي تعطيلو يدك و تعاونيه يخرج من الغرقة
راني حاسة بيك
الله يجيب الخير


محتاجة دعوة خير

ربي يعطيك ما تتماني. راكي رديتي. عليا